SWATCH – ART JOURNEY
Swatch-ის მაჯის საათების კოლექცია ყოველთვის იყო მრავალფეროვნებისა და გამორჩეული სტილის მატარებელი. განსაკუთრებული არტისტულობით გამოირჩევა ხელოვნების ხაზი, რომელსაც 1985 წელს ჩაეყარა საფუძველი. Swatch დღემდე თანამშრომლობს მსოფლიოში ცნობილ ისეთ მუზეუმებთან, როგორიცაა: ამსტერდამის Rijksmuseum, მადრიდის Thyssen-Bornemisza National Museum, Musée du Louvre და Centre Pompidou პარიზში, Museum of Modern Art (MOMA).
MOMA-სთან კოლაბორაციით შექმნილი ნიმუშები შესულია სრულიად ახალ კოლექცია “Art Journey”-ში, რომელიც ხელოვნების ნებისმიერ ენთუზიასტს დაუვიწყარ თავგადასავალს ჰპირდება. კოლექცია 16 მარტს ჩაეშვა გაყიდვაში მსოფლიოს მასშტაბით, ხოლო საქართველოში Arttime-ს ქსელში შეგიძლიათ “Art Journey”-ს ორი მოდელის შეძენა.
MOMA და Swatch პოპ არტის მამისა და ერთ-ერთი ყველაზე გავლენიანი ხელოვანის – როი ლიხტენშტეინის დაბადებიდან 100 წლის თავს ერთად აღნიშნავს. ახალი მაჯის საათების ზემოთ ნახსენები ორი მოდელი არტისტის გამორჩეული ნამუშევრებითაა დამშვენებული.
“Girl” – როი ლიხტენშტეინი
“გოგო” 1963 წლის ნახატია, რომელზეც ახალგაზრდა ქალის სახის ახლო კადრია გამოსახული. ნახატი შესრულებულია ლიხტენშტეინის საფირმო სტილით, რომელიც გულისხმობს Ben-Day წერტილების გამოყენებას. ეს ტექნიკა ძალიან პოპულარული იყო კომიქსებში დაჩრდილვისა და სპეციფიკური ტექსტურის შესაქმნელად. ნათელი ძირითადი ფერებით და მკაფიო ხაზები იდეალურად ასახავს ქალის თავისებურებებს.
ლიხტენშტეინის ეს ნამუშევარი მუზეუმისა და Swatch-ის დახმარებით ამიერიდან მაჯის საათის ციფერბლატს დაამშვენებს.
“Reverie” – როი ლიხტენშტეინი
“The Melody Haunts My Reverie” არის კარგი მაგალითი იმისა, თუ როგორ იღებდა ლიხშტეინი შთაგონებას პოპულარული კულტურიდან და გარდაქმნიდა მას ხელოვნების ნიმუშად, რომელიც ვიზუალურად გასაოცარი, ხოლო ემოციურად რეზონანსულია.
არტისტის ამ ნამუშევრის მთავარი იდეა იდეალურადაა გადმოცემული Swatch-ის მაჯის საათზე. გოგონას ყვითელი თმა ზუსტად ერგება სამაჯურის ფერს, ხოლო ცნობილი ტექსტი კი სამაჯურზეცაა დატანილი.
შვეიცარიული ხარისხი და არტისტის უკვდავი ნამუშევრები საუცხოო კომბინაციას ქმნიან, რომლითაც ერთნაირად მოიხიბლება ყველა – როგორც საათების, ასევე ხელოვნების მოყვარულები.
“ართთაიმი” არ ჩამორჩება მსოფლიო ბრენდის მიერ მუდმივი სიახლეების ძიებას და ახალ კოლექციებს ქართველი მომხმარებლისთვის ხელმისაწვდომს ხდის.
SWATCH GIRL BY ROY LICHTENSTEIN
SUOZ352
SWATCH REVERIE BY ROY LICHTENSTEIN
SO28Z117
