RAYMOND WEIL X BASQUIAT FREELANCER – განიცადე ახალი ემოციები!
2007 წელს Raymond Weil-მა ბრენდის ისტორიაში ერთ-ერთი გამორჩეული კოლექცია – Freelancer გამოუშვა. კოლექციის შექმნის მთავარ ინსპირაციას წარმოადგენდა ხელოვნება, მუსიკა და დიზაინი. გამორჩეული ადგილი Freelancer-ის კოლექციის მოდელებს შორის უკავია The Beatles-ის, Bob Marley-ის და David Bowie-სადმი მიძღვნილ საათებს. თუმცა ცოტა ხნის წინ, ბრენდმა აღმოაჩინა ახალი მუზა Jean-Michel Basquiat, რომელმაც სრულად გადაატრიალა საზოგადოების წარმოდგენა მაჯის საათების მიმართ. Freelancer-ის ახალი საათი უდაოდ განსაკუთრებული ხასიათის მატარებელია, რაშიც მალე თქვენც დარწმუნდებით. ერთ საათში გაერთიანებულია Raymond Weil-ის ოსტატობა და მხატვრის თამამი, შემოქმედებითი სულისკვეთება.
Raymond Weil-მა შექმნა უნიკალური დიზაინი როგორც კოლექციონერისთვის ისე ხელოვნების მოყვარულისთვის. მუქი შავი ფონის დახმარებით, რომელიც აწონასწორებს სითამამესა და დახვეწილობის ნაზავს შესაძლებელი იქნა ზუსტად ყოფილიყო გადმოტანილი ის ფერთა პალიტრა რომელსაც ყველაზე ხშირად იყენებდა ხოლმე Basquiat-ი თავის ნახატებში.
გამომდინარე იქიდან, რომ Basquiat-ის ნახატები გადმოტანილია იდენტურად, საათის შესამოწმებლად ციფერბლატზე დახედვა საკმარისია იმისთვის, რომ შეიგრძნოთ მხატვრის გამორჩეული ხასიათი. ერთ-ერთი შეუდარებელი დეტალი არის ყვითელი გვირგვინი, რომელიც თამამად იკავებს ადგილს ციფერბლატის თავში. ხელოვანი ხშირად იყენებდა ამ სიმბოლოს რათა თავისი ნამუშევრები სამეფო სტატუსამდე აეყვანა და თითოეულ ნიმუშს ძალაუფლებას სძენდა. Basquiat-ი იყენებდა გვირგვინის დეტალს როგორც ტილოზე ასევე ფერწერის ნამუშევრებში. Raymond Weil-მა კი რა თქმა უნდა უცვლელად გადმოიტანა ის საათის ციფერბლატზე და შესძინა საათს ის ხასიათი, რომელიც ასეთი მნიშვნელოვანი იყო ხელოვანისთვის. ყვითელი გვირგვინი დაფარულია Super-LumiNova-თი, რაც მას განსაკუთრებულად ხილვადს ხდის დღის ნებისმიერ მონაკვეთში, 24 საათის განმავლობაში. გვირგვინის გარდა საათის ციფერბლატზე ვხედავთ ტირექსსაც, სიმბოლოს, Pez Dispenser-ის ნახატიდან, რომელიც 1984 წელს შეიქმნა. Pes Dispenser-ის ნამუშევანი კარგი მაგალითია იმისა, თუ როგორ უყვარდა Basquiat-ს პოპ კულტურა და პრიმიტივისტული ესთეტიკა.
ტიტანის კორპუსი 43,5მმ x 13,7მმ სისქისაა, აღჭურვილია კერამიკული ტაქიმეტრითა და პულსომეტრით. ყვითელი ფერის გვირგვინი და დოლარის ნიშანი, რომლებიც აკონტროლებენ დროს, როგორც უკვე აღვნიშნეთ რა თქმა უნდა Basquiat-ის ნამუშევრების განუყოფელი ნაწილია და საავტორო უფლებებით არის დაცული.
ქრონოგრაფის თითოეული დეტალი გაჟღენთილია Basquiat-ის ხასიათით, მასზე წარმოდგენილია Life, Death, და Humanity, რაც Basquiat-ის ნაწარმოებების მთავარი განსახილველი საკითხებია და ასახავს ცხოვრების ციკლს.
ქრონოგრაფის პარალელურად წამების ამთვლელია, რომელიც ექსტრავაგანტულ ზახებშია წარმოდგენილია და ერთგვარ ქაოსს ქმნის. რა თქმა უნდა ეს დეტალიც გამიზნულად არის შექმნილი და უცვლელად გადმოტანილი რათა Raymond Weil-მა გადმოგცეთ მხატვრის ემოციები და შეშფოთება ცხოვრების სირთულეებთან დაკავშირებით.
საათის უკანა მხარეს ვხვდებით Raymond Weil-ის მექანიზმს, Caliber RW5030 Bi-Compax, რომლის მუშაობა სრულად ხილულია მომხმარებლისთვის და აქვს ენერგიის რეზერვი 56 საათის განმავლობაში, თუმცა ლიმიტირებულმა საათმა მექანიზმის მუშაობის სილამაზე დაჩრდილა და მთავარი, ყველაზე საინტერესო და მნიშვნელოვანი მაინც Basquiat-ის ხელმოწერა გახადა, რომელიც საათის მნიშვნელობას და იდენტობას ერთ დიდ წერტილს უსვამს.
Raymond Weil-მა შექმნა განსაკუთრებული საათი, რომელიც არის როგორც სპეციფიკური ასევე გასააზრებელი. Basquiat-ის ფერად ნახატებში ცხოვრების აზრია ჩადებული, რომელიც ერთი მხრივ რთული და ქაოტურია თუმცა ამავდროულად ძალიან საინტერესო. როგორც უკვე დარწმუნდით მთავარი დეტალები იდენტურად არის გადმოტანილი საათის ციფერბლატზე და მის გარშემო, რაც თითოეულ საათზე დახედვისას ყოველ ჯერზე დაგაფიქრებთ და რაც მთავარია უდაოდ მოგცემთ შესაძლებლობას მიიღოთ სწორი გადაწყვეტილებები. საათი შექმნილია ლიმიტირებული რაოდენობით მსოფლიოს მასშტაბით, „ართთაიმი“ კი გახდა ერთ-ერთი გამორჩეული ქსელი, რომელმაც შეძლო ექსკლუზიური მოდელის მოპოვება და ქართველი მომხმარებლისთვის შეთავაზება.
RAYMOND WEIL Freelancer Basquiat Special Edition
7780TICJMB01
