რა ვაჩუქოთ მამაკაცს – 5 ორიგინალური საჩუქარი (2023 წლისთვის)

საჩუქრის ჩუქება ყოველთვის საინტერესო და ამაღელვებელი პროცესია. შერჩევაზე დახარჯული დრო ადამიანის მიმართ პატივისცემასა და სიყვარულზე მიანიშნებს. რაც უფრო ძვირფასია ადამიანი, მით უფრო მეტად ვცდილობთ ვასიამოვნოთ.

ხშირ შემთხვევაში, თუ ეს ძვირფასი ადამიანი მამაკაცია, საჩუქრის არჩევის პროცესი სასიამოვნოდან დამღლელად მალევე გადაიქცევა ხოლმე, რადგან რატომღაც რთულია კაცისთვის ორიგინალური საჩუქრის არჩევა. მაგრამ, იმედი არ გადაიწუროთ, გამოსავალი მაინც არსებობს.

როგორ შევარჩიოთ საჩუქარი მამაკაცისთვის

ერთი შეხედვით მარტივი პროცესი ზოგჯერ საშინლად იწელება, განსაკუთრებით მაშინ,თუ არ იცით ადამიანის გემოვნება. სანამ განვიხილავთ თუ რა ვაჩუქოთ მამაკაცს, მანამდე ზოგადად მიმოვიხილოთ საჩუქრის არჩევის ძირითადი პრინციპები.

მიზანი, კონტექსტი

პირველ რიგში, აუცილებლად უნდა განისაზღვროს მიზანი და კონტექსტი, ვის და რატომ ვჩუქნით. მიზანი სიტუაციების მიხედვით შეიძლება იცვლებოდეს: დაბადების დღის მილოცვა, საახალწლო საჩუქრები, საქორწილო საჩუქრები და სხვა. 

მეორე პუნქტი შედარებით რთული შესასრულებელია, რადგან ადრესატის პიროვნებას კარგად უნდა ჩავწვდეთ: ხასიათი, გემოვნება, ინტერესი. კარგად გამოიკვლიეთ მისი ჰობი და შეხედულებები. ეცადეთ გაიხსენოთ თქვენთან საუბრის დროს ხომ არ წამოსცდა ისეთი ინფორმაცია, რომელიც დაგეხმარებათ მეტი გაიგოთ მისი ინტერესების შესახებ. ასევე, არ მოგერიდოთ მის მეგობრებს დაუსვათ კითხვები და მიიღოთ მეტი ინფორმაცია.

გაოცების წყარო წარსულში ეძებეთ

და მაინც, პირადად თქვენთან ურთიერთობისას გაზიარებული ინფორმაცია უმნიშვნელოვანესია. ძალიან სასიამოვნო და დასაფასებელია, როცა ახლობელ ადამიანს ისეთი დეტალები ახსოვს, რაც თქვენ თვითონ დაგავიწყდათ. დეილ კარნეგი წიგნში „როგორ მოვიპოვოთ მეგობრები და როგორ ვიმოქმედოთ ადამიანზე“ გვიყვება ერთი ყმაწვილის შესახებ, რომელიც ყოველთვის ახერხებდა მეგობრების გაოცებას სწორად შერჩეული საჩუქრებით. გოგონებისგან ხშირად ესმოდა „საიდან იცოდი, რომ ზუსტად ეს მინდოდა?“. ალბათ, უკვე მიხვდით, როგორ ახერხებდა ამას. საუბრის დროს ისეთ დეტალებს აქცევდა ყურადღებას, რასაც ჩვეულებრივ გულგრილად ეკიდებიან ხოლმე. მას ახსოვდა ისეთი დეტალები, როგორებიცაა: „ნეტა, მოოქრული სამაჯური მეც მქონდეს, დიდი სიამოვნებით ვატარებდი“, ან თუნდაც „საყურეები ნამდვილად მჭირდება, ამჯერად ფული არ მეყო, მაგრამ მომავალში აუცილებლად ვიყიდი“. ეს მაგალითი ქალზეა, მაგრამ მამაკაცებზეც არანაკლებ მუშაობს. ამიტომ იყავით უფრო ყურადღებიანი.

ჰკითხეთ რჩევა მის მეგობრებს

მას შემდეგ რაც გაიხსენებთ თქვენთან გაჟღერებულ მნიშვნელოვან დეტალებს, შემდეგ უკვე შეგიძლიათ მის სხვა მეგობრებზე გადაერთოთ. მეგობარი არის ადამიანი, რომელიც ყველაზე უკეთ გიცნობთ. კაცები ხშირად ამჟღავნებენ თავს სამეგობრო წრეში, ამიტომ მათგან მიღებული ინფორმაცია საჩუქრის შერჩევის პროცესში ფასდაუდებელია. ნუ მოგერიდებათ, თამამად ესაუბროთ მის. მერწმუნეთ შედეგი ნამდვილად გაგაოცებთ.

ჩამოწერეთ საყვარელი ადამიანის 4-5 ყველაზე ახლო მეგობარი, რომელთანაც დიდ დროს ატარებს. ეცადეთ მათგან მიიღოთ დამატებითი ინფორმაცია. ამ გზით დაზოგავთ შერჩევაზე დახარჯულ დროს და დაუვიწყარ დღეს აჩუქებთ თქვენთვის საყვარელ ადამიანს.

იპოვეთ იდეები ზედმეტი ფიქრის გარეშე

მართალია თქვენი მთავარი მოტივაცია მეორე ადამიანის გაბედნიერებაა, მაგრამ უშუალოდ საჩუქრის ყიდვა თქვენთვისაც არ უნდა იყოს დამღლელი. ზედმეტი ფიქრი გონებას გადაგიღლით და არის იმის რისკი, რომ საბოლოოდ რამე უბრალო საჩუქარზე შეჯერდეთ.

შესაბამისად, ჩანაფიქრი ორიგინალური საჩუქარი მამაკაცისთვის გადაიქცევა ბანალურ საჩუქრად. ამის ნაცვლად, უმჯობესია პირდაპირ მოქმედებაზე გადახვიდეთ, მოინახულეთ რომელიმე საჩუქრების მაღაზია და გადახედეთ პროდუქტებს. ამით, უამრავ შესანიშნავ იდეას დააგენერირებთ. მაგრამ ეს არ ნიშნავს, რომ უკვე შეარჩიეთ ორიგინალური საჩუქარი. ჯერ კიდევ რამდენიმე ნაბიჯია გასავლელი.

იდეებიდან ამოირჩიეთ საუკეთესო

უამრავი საინტერესო იდეიდან უნდა ამოირჩიოთ ყველაზე ეფექტური. ამისათვის, გჭირდებათ კრიტერიუმები, რომლითაც შეძლებთ გადაწყვეტილების მიღებას.

ყოველი იდეა გაატარეთ შემდეგ საცერში: ინტერესი, საჭიროება, იმიჯი. გაიგეთ, რამდენად დააინტერესებს მას თქვენი იდეა, სჭირდება თუ არა ის და რას იტყვიან მასზე სხვები. ცხადია, გაფილტვრის უამრავი მეთოდი არსებობს, მაგრამ ეს 3 კრიტერიუმი ძალიან ეფექტურია.

ფენომენი – “რას იტყვიან სხვები“

მოდით, ყურადღება ბოლო პუნქტზე შევაჩეროთ, ვინაიდან პირველი 2 კრიტერიუმი მარტივად გასაგებია. ადრესატისთვის დიდი მნიშვნელობა აქვს საზოგადოების შეხედულებას. ხშირად, სხვების აზრი გადაწონის ხოლმე შინაგან ხმას. ამიტომ, დაფიქრდით, თქვენი არჩევანი, როგორ გამოაჩენს მამაკაცს სხვების თვალში.

გაახსენეთ თქვენი თავი

ორიგინალური საჩუქარი მამაკაცისთვის ნიშნავს არა მხოლოდ გაოცების პირველ ტალღას, არამედ გრძელვადიანი ეფექტის გამომწვევი უნდა იყოს. ნივთმა ადრესატს თქვენი თავი რაც შეიძლება ხშირად უნდა გაახსენოს.

და მაინც, რა ვაჩუქოთ მამაკაცს

Arttime ცდილობს საჩუქრის შერჩევით გამოწვეული თავის ტკივილი აგარიდოთ. ამიტომ გთავაზობთ ისეთ პროდუქტებს, რომლებიც ზემოთ ხსენებულ სამივე კრიტერიუმს აკმაყოფილებს. “ართთაიმის” ნებისმიერი საჩუქარი მამაკაცების უმრავლესობის ინტერესში შედის, მათთვის აუცილებელი ატრიბუტია და დიდ გამოხმაურებას იწვევს სამეგობროში.

მაჯის საათები მამაკაცებისთვის

ფიქრობთ, რომ არ გააოცებს? ძალიან ცდებით. საათი მხოლოდ დროის მაჩვენებელი არ არის. რობერტ ჯენკინსის კვლევის თანახმად, მაჯის საათებს შეუძლიათ შეცვალონ მამაკაცის ქცევა. მისი ყოველდღიურად ტარება პუნქტუალობასთან ერთად ზრდის ემოციურ სტაბილურობას. შესაძლოა, მამაკაცმა მთელი დღის განმავლობაში არც კი დახედოს საათს, მაგრამ გაუმძაფრდეს ორგანიზებულობისა და პასუხისმგებლობის შეგრძნება. მაჯის საათები ფსიქოლოგიურ ატრიბუტებს წარმოადგენენ. ისინი ამყარებენ მამაკაცის იდენტობას, თვითშეფასებასა და ყოველდღიურ ჩვევებს.

რაც შეეხება ინტერესს, ამის შესახებ უამრავი სტატიაა დაწერილი. კაცების უმეტესობას არა მხოლოდ მოსწონს ძვირადღირებული მაჯის საათები, არამედ იდენტობის ნაწილადაც აღიქვამენ. Arttime გთავაზობთ საათის ბრენდებს: SWATCH, VICTORINOX, CALVIN KLEIN, DOXA და კიდევ უამრავი ცნობილი ბრენდის საათებს, რომლებიც საზოგადოებას ნამდვილად აალაპარაკებს.

აქვე, შეგახსენებთ, რომ ართთაიმში ხელმისაწვდომია მაღალი ხარისხის ბავშვის საათები. ამიტომ თუ ბიჭისთვის საჩუქრის შერჩევა გინდათ, აუცილებლად ეწვიეთ ფილიალებს, ან შეუკვეთეთ ონლაინ.

დასაკეცი დანები

გაგიკვირდებათ, მაგრამ ამ სიაში დასაკეცი დანები საპატიო ადგილს იკავებენ. გადაჭრით შეიძლება ითქვას, რომ ეს პროდუქტიც ემოციების წყაროა ბიჭებისთვის. ის არ გულისხმობს, ნივთის ბოროტად გამოყენებას. ამანათების, ყუთების, თოკებისა და მსგავსი ნივთების გადასაჭრელად იდეალური საშუალებაა, წარმოადგენს ერთგვარ „do-it-all” ტიპის ჯიბის დანას. გარდა ამისა, ტყეში, ან კემპინგისას ჯიბის დანის გარეშე ბევრს ვერაფერს გახდები.

თუმცა, რიგ შემთხვევებში, ადამიანები არც კი იყენებენ მას. უბრალოდ, მათი ფლობა სასიამოვნო შეგრძნებებთან არის დაკავშირებული.

ადამიანის ევოლუციაში დანამ დიდი როლი ითამაშა. ნელ-ნელა ის იმიჯის ნაწილად იქცა. მაგ: Victorinox-ის დასაკეცი დანები პრესტიჟის, თავდაჯერებისა და შთაგონების წყაროა. ხელოვნების ნამუშევრებსაც კი უძღვნიან ამ პატარა, მაგრამ მრავლისმთქმელ ნივთს.

ახლა კი წარმოიდგინეთ, როგორ გაუხარდება კაცს ასეთი ორიგინალური საჩუქარი. სუნამოები, ქუდები და მსგავსი აქსესუარები კარგი ვარიანტია, მაგრამ  ხშირად ისედაც ამ ნივთებს ჩუქნიან და მსგავს ეფექტს ვერ გამოიწვევთ სტანდარტული ვარიანტით.

მამაკაცის სათვალეები

მზის სათვალე მამაკაცისთვის საინტერესო არჩევანია. პირველ რიგში, უნდა აღინიშნოს, რომ სწორად შერჩეული სათვალე იმიჯის განუყოფელი ნაწილი ხება. არაფერია იმაზე უკეთესი, როცა სათვალე ზუსტად ესადაგება ადამიანის გემოვნებას, ჩაცმულობას და მის სტილს ბოლომდე ავსებს. ამისათვის, იდეალური ერთ-ერთ ყველაზე ცნობილი ლუქს ბრენდის სვოჩის სათვალე, რომელიც თქვენთვის ძვირფას ადამიანს ნამდვილად გაახარებს. ართთაიმში ხელმისაწვდომია უამრავი ფერისა და ტიპის სათვალეები: შავი, ლურჯი, გარდამავალი ფერებით.

ტყავის საფულეები

ტყავის საფულე უბრალო და პრაქტიკული დიზაინით საქმიანი მამაკაცის ერთგული თანამგზავრია. ზოგიერთის აზრით, ის სიმდიდრის და წარმატების სიმბოლოა, ნაწილი კი ფიქრობს, რომ მხოლოდ ბარათების ჩასადებადაა იდეალური. რაც არ უნდა იყოს, საფულე ყოველდღიური ცხოვრების განუყოფელი ნაწილია. სწორად შერჩეულმა საფულემ ადამიანის გონება სამუშაოსკენ უნდა მიმართოს. რომელი ფერია ამ საქმისთვის იდეალური, თუ არა შავი? ამ ტიპის ორიგინალური საჩუქარი ნამდვილად გაახარებს ძვირფასი ადამიანის გულს და ყოველდღე თქვენს თავს გაახსენებს.

ზემოთ ხსენებული მახასიათებლების მქონე ხარისხიანი შავი ტყავის საფულეები გამოწერით თუ გსურთ შეიძინოთ, ამაში აქსესუარების ონლაინ მაღაზია “ართთაიმი” დაგეხმარებათ.

სამაჯური მამაკაცისთვის

გთავაზობთ კიდევ ერთ ვარიანტს. კაცის სამაჯური, შუაში გაწყვეტილი რგოლი, CALVIN KLEIN-ის ერთ-ერთი შედევრია. დახვეწილი და თანამედროვე დიზაინით გამორჩეული სამკაული ყველას ყურადღებას თქვენი საყვარელი ადამიანისკენ მიიპყრობს, მას კი ხელზე დახედვისას ყოველთვის თქვენი მისდამი სიყვარული და პატივისცემა გაახსენდება. ორიგინალური საჩუქარი მამაკაცისთვის გულისხმობს სპეციფიკურ, ამავდროულად სასიამოვნო ვიზუალის მქონე აქსესუარს, რომელიც ზუსტად გამოკვეთავს კაცის სტილს. “ართთაიმის” სამაჯურები იდეალურად ერგება ამ კრიტერიუმს და ნებისმიერი მამაკაცის გემოვნებას დააკმაყოფილებს.

აქვე, თუ მამკაცთან ერთად ქალის საჩუქრები გინდა შეარჩიოთ, მიჰყევით მითითებულ ბმულს.

რატომ უნდა შეარჩიოთ საჩუქარი მამაკაცისთვის ართთაიმში?

რეალურად, ართთაიმი არის ადგილი, სადაც ნახავთ მხოლოდ გემოვნებიან, საგულდაგულოდ შერჩეულ აქსესუარებს. პროდუქტების ხარისხზე კი არაერთი საერთაშორისო სტანდარტი მიუთითებს, რომლებსაც ზედმიწევნით იცავენ “ართთაიმში” წარმოდგენილი ბრენდები. 

ამას ემატება კონსულტანტების პროფესიონალიზმი. თუ იდეები შემოგაკლდათ და ვერ შეარჩიეთ ორიგინალური საჩუქარი მამაკაცისთვის, მაშინ უმჯობესია გამოცდილ ართთაიმელებს მიმართოთ. მათ ზუსტად იციან რომელ სიტუაციაში როგორი ნივთი გაახარებს თქვენს ადრესატს.

კიდევ ფიქრობთ თუ რა ვაჩუქოთ მამაკაცს? მოგვწერეთ და დაგეხმარებით შერჩევაში.