OMEGA x SWATCH – შთამბეჭდავი ამბავია, არა?!
Swatch-ი ამაყად წარმოგიდგენთ შვეიცარიული საათების ინდუსტრიაში ერთ-ერთ ყველაზე ლეგენდარულ საათს და გვთავაზობს მის 11 განსხვავებულ მოდელს BIOCERAMIC MoonSwatch კოლექციის სახით!
Swatch-ისა და Omega-ს კოლაბორაციის შედეგად განახლებული სახით წარმოგვიდგა Omega-ს ლეგენდარული მოდელი – Speedmaster Moonwatch-ი, მაგრამ ახლა უკვე Swatch-ის საათი!
სრულიად მოულოდნელი, პროვოკაციული და საოცნებო კოლაბორაცია, პირველია Swatch-სა და Omega-ს შორის. ორი უზარმაზარი ბრენდის თანამშრომლობა არის ფუფუნებისა და ქუჩის ბრენდების სამყაროების შერწყმა ინოვაციური და ყველასთვის საყვარელი პროდუქტებით.
ბრენდებმა დიზაინის ინსპირაცია, არც მეტი არც ნაკლები, კოსმოსიდან აიღეს. მათი შექმნილი 11 Swatch-ის საათი 11 ციური სხეულის სახელს ატარებს. კოლექციაში შეხვდებით როგორც მზის სისტემაში არსებული ყველაზე დიდი ვარსკვლავის – მზის საათს, ასევე ჯუჯა პლანეტის მოდელსაც.
საათები დამზადებულია Swatch-ის უნიკალური, დაპატენტებული მასალისგან – BIOCERAMIC. მის შემადგენლობაში შედის ორი მესამედი კერამიკა და ერთი მესამედი ბიოპლასტიკი, რომელიც მიიღება აბუსალათინის ზეთისგან. მიუხედავად იმისა, რომ ვარდისფერი და ღია ცისფერი დაგაეჭვებთ, რომ ეს არის სტანდარტული Omega-ს Speedmaster საათი, Moonwatch-ების ყველაზე დაკვირვებულ მოყვარულსაც კი გაუჭირდება განსხვავებების მოძებნა. საათში გამოყენებულია Moonwatch-ის დიზაინის ყველა საკვანძო ელემენტი. ასიმეტრიული კორპუსი, ყველასთვის ცნობილი ტაქიმეტრი 90-ის ნიშნულთან მონიშნული წერტილით, Speedmaster-ის გამორჩეული ქვედანაყოფები და შეუცვლელი დიზაინი ამ საათს უდავოდ გამორჩეულს ხდის.
OMEGA X SWATCH
Omega Moonwatch-ი არის ლეგენდარული საათი, რომელიც ყველა კოლექციონერისთვის ძალიან სასურველი და მნიშვნელოვანია. Swatch-ის მახვილგონივრული BIOCERAMIC MOONSWATCH-ის კოლექცია ლეგენდარულ დიზაინს ყველასთვის ხელმისაწვდომს ხდის! ეს არის მიწაზე დაშვებული საათი, რომელმაც იმოგზაურა მთვარეზე და რომელიც კიდევ ერთხელ ხაზს უსვამს ბრენდის სიცოცხლის სიყვარულისა და ნოვატორობის თვისებას.
ახალი კოლექციის მოდელები წარმოდგენილია იშვიათი ფერებით. თითოეულ MoonSwatch-ს აქვს თავისი მისია და კორპუსის უკანა მხარეზე გაკეთებულია ინსპირაციული გრავირება. OMEGA X SWATCH ლოგო ამშვენებს ციფერბლატსა და საქოქს. ელემენტის ხუფიც კი იმ პლანეტას გვაჩვენებს, რომლის მისიაც აკისრია საათს.
კოსმოსისთვის სრულ მზადყოფნაში მყოფი VELCRO© სამაჯური ასტრონავტის ჩაცმულობას განსაკუთრებულ ელფერს სძენს.
მათთვის, ვისაც აქვს პლანეტებთან მიახლოების სურვილი, MoonSwatch-ი არის შესანიშნავი აქსესუარი მოგზაურობის გასაადვილებლად.
ამ ეტაპზე საათები ხელმისაწვდომი იქნება 26 მარტიდან მსოფლიოს რამდენიმე ქვეყნის Swatch-ის მაღაზიებში. ფილიალების ჩამონათვალის ნახვა შეგიძლიათ აქ! მაგრამ, შესაძლებელია მოგვიანებით ამ მოდელების ხელმისაწვდომობა გაიზარდოს, ამიტომ დაელოდეთ სიახლეებს!
