სიახლე, სიახლე

VERSACE – შეუდარებელია, არა?!

Versace - blog

VERSACE – ბრენდი, რომლის სახელის ხსენებისას წარმოუდგენელია თვალწინ არ წარმოგვიდგეს ბერძნული მითოლოგიიდან ცნობილი მედუზას თავი.

ალბათ უკვე ხვდებით რატომ გიყვართ და გიზიდავთ ასე ძალიან ეს ბრენდი. მედუზა ხომ ერთი შეხედვით ახერხებდა ნებისმიერისთვის შეეყვარებინა თავი და “მსხვერპლს” სხვა გზა უბრალოდ არ ჰქონდა.

VERSACE-ს კოლექციები ყოველთვის განსხვავებული, ექსტრავაგანტული და განუმეორებელია. შეუძლებელია მოდელები ერთი შეხედვით არ ამოიცნოთ. თითოეულს ხომ შორიდანვე ეტყობა იტალიური მოდის სახლის ხელწერა. საათებში კი განუმეორებელ დიზაინს შვეიცარიული ხარისხი ემატება.

MEDUSA ICON

წელს ვარდისფერი არა მხოლოდ წლის ერთ-ერთი ყველაზე ტრენდული ფერია, არამედ ასევე აღიარებულია, როგორც სიყვარულის ფერი. VERSACE-მ სწორედ ვარდისფერი აარჩია ვალენტინობისადმი მიძღვნილი, სპეციალური გამოშვების საათისთვის.

Medusa Icon-ის კოლექციას გავეცანით შარშან შემოდგომაზე. ეს კოლექცია კიდევ ერთხელ ხაზს უსვამს მისი სიმბოლოს მნიშვნელობას.

მედუზა – ლამაზი, ძლიერი, თამამი და თავისუფალი ქალის სიმბოლო, სიამაყით ამშვენებს საათის ციფერბლატის შუაგულს. გამოყენებული ფერთა კონტრასტი და სიმბოლოს სამგანზომილებიანი გამოსახულება მოდელს კიდევ უფრო განსაკუთრებულს ხდის.

ვარდისფერი ტყავის სამაჯური ოქროსფერი მეტალის დეტალით თითქოს ირეკლავს მედუზას განწყობას და საათს მატებს სინათლესა და სიკაშკაშეს.

საათის მატარებელი თავს უდავოდ ახალგაზრდად, თანამედროვედ და ყველასგან გამორჩეულად იგრძნობს.

GRECA LOGO MINI

GRECA LOGO MINI არის კოლექცია, რომელიც ახერხებს ერთმანეთს შეუხამოს გეომეტრიული ფორმები და ნაზი, ქალური სტილი.

კოლექციის ყველა მოდელს ამშვენებს მინიატურული, მრგვალი კორპუსი და პეპლისებრი შესაკრავი, როგორც მეტალის ასევე ტყავის სამაჯურზე. საათის პატარა ზომის მიუხედავად, საკმარისია ერთხელ შეავლოთ თვალი და ყველაფერი ნათელი ხდება. საათის ბეზელი თითქოს მოქარგულია Greca-ს ორნამენტით, 12 საათიან ნიშნულს მისი უდიდებულესობა, მედუზას სიმბოლო ამშვენებს, ხოლო მეტალის სამაჯურის ყოველ მეორე დეტალზე მკრთალად დატანილია VERSACE-ს ლოგო.

VERSACE VIRTUS INFINITY

VIRTUS INFINITY კოლექციის ამოცნობა მარტივად შესაძლებელია ციფერბლატზე გამჭვირვალე, ბაროკოს სტილის V ელემენტით. VERSACE აქაც არ ღალატობს თავის ხელწერას. კოლექციის საათების ბეზელი მთელ წრეზე დამშვენებულია Greca-ს ორნამენტით. იგივე ორნამენტი შუაში მიუყვება მეტალისა და ტყავის სამაჯურებსაც.

VERSACE GRECA ICON

ბრენდის იდენტობისა და ესთეტიკურობის დაცვით, ამ კოლექციის ყველა მოდელის 12 საათიან ნიშნულს ამკობს თვალისმომჭრელი მედუზას სიმბოლო. გამოკვეთილი რომაული ციფრები საათს უფრო ქალურ და ისტორიულ იერსახეს აძლევს. Greca-ს ორნამენტს რა თქმა უნდა, ამ კოლექციაშიც საპატიო ადგილი უკავია. ის ამოტვიფრულია როგორც საათის ბეზელზე, ასევე მის მეტალისა თუ ტყავის სამაჯურზე.

თუ მედუზამ უკვე მოახერხა და მოგაჯადოვათ თავისი სილამაზით, ვერსაჩეს კოლექციის დათვალიერება შეგიძლიათ თავისუფლების მოედნის ფილიალსა ან ჩვენს ონლაინ მაღაზიაში.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *