“ვფიქრობ, დრო მაშინ გადის საინტერესოდ, როცა ამ სვლის მონაწილეები თვითონ ვართ.”
საკმაოდ ადრეულ ასაკში მივხვდი, რომ დრო ყველაზე ღირებული რამ არის. ძალიან მიყვარდა ისტორია და რაც მეტად ვეცნობოდი ცივილიზაციების განვითარებას, მეტად აღვიქვამდი დროის მნიშვნელობას. რამდენიმე პროფესია მაქვს, რომლებიც ყოველთვის იყვნენ ერთმანეთზე გადაჯაჭვული და დამოკიდებული, ისე, როგორც ერთი მთლიანობის ნაწილი.
ყოველთვის ვიყენებდი ერთის გამოცდილებას მეორე საქმიანობაში და ეს ყოველივე ჩემს ცხოვრებას ქმნიდა. ჩემთვის ყველაზე მთავარი აწმყოა, საინტერესოა ახალი ჰორიზონტების აღმოჩენა, თუმცა ყოველთვის მაქვს ძველის გადაფასების ეტაპი. პუნქტუალური ყოველთვის არ ვარ, მაგრამ ყველაფერს ვასწრებ, რადგან ჩემი ცხოვრების რეჟიმიდან გამომდინარე, ორგანიზებულობა კარგად გამომდის. ვფიქრობ, დრო მაშინ გადის საინტერესოდ, როცა ამ სვლის მონაწილეები თვითონ ვართ.
—
მარიამ სანოგო წარმატებით ახერხებს დატვირთული გრაფიკის მართვას, პროფესიული კარიერისა და პირადი ცხოვრების შეთავსებას. ამ რთული ამოცანის დაძლევის საუკეთესო მაგალითის გამო ის “ართთაიმის მეგობრების” წრეში მოვიწვიეთ.
