სიახლე, სიახლე

მართკუთხა საათების ახალი ერა – LONGINES, MINI DOLCEVITA

მართკუთხა საათები 21-ე საუკუნეს ყოველდღიურად უფრო და უფრო იპყრობს. თუმცა აღსანიშნავია, რომ მათი მოდა ჯერ კიდევ პირველი მსოფლიო ომის დროიდან იწყება. მიუხედავად იმისა, რომ მრგვალი საათის ფორმა მაინც “ტრადიციულ” საათად წარმოგვიდგება, მართკუთხა საათები ნამდვილად გვიტოვებენ ვინტაჟის, გლამურის და იმ ძველი ჰოლივუდის შეგრძნებას, რომელმაც შექმნა დაუვიწყარი ისტორია.

1832 წლიდან Longines-მა მაჯის საათების წარმოება დაიწყო და დღეის ჩათვლით ერთ-ერთ გამორჩეულ, კონკურენტულ, შვეიცარიულ ბრენს წარმოადგენს ბაზარზე. მართკუთხა საათების მოდა უყურადღებოდ არც Longines-მა დატოვა და 1910-იან წლებში დაიწყო მოდელების წარმოება. 1920-იანი წლებისთვის კი ბრენდმა უკვე ათობით ერთმანეთისგან განსხვავებული დიზაინის მოდელი გაუზიარა ერთგულ მომხმარებელს. ერთ-ერთი გამორჩეული მართკუთხა საათის შექმნა კი “Zulu Time”-ის კოლექციას უკავშირდება. პატარა მართკუთხა საათს შეეძლო ორი სასათო სარტყლის ერთდროულად ჩვენება, რაც ნამდვილი სიახლე იყო საათის ვიზუალთან ერთად და მალევე დააინტერესა საათის მოყვარულთა ჯგუფები. უჟანგავი ფოლადისგან შექმნილ კორპუსს ყავისფერი ტყავის სამაჯური და ციფერბლატზე ყვითლის, თეთრისა და წითლის ფერთა შეხამება წარმოუდგენლად ამშვენებდა.

დროთა განმავლობაში “Zulu Time”-ის მოდელებს ახალი წევრები შეემატა. წლების შემდეგ კი Longines-მა განაახლა კოლექცია და მასში კლასიკური მრგვალი ფორმის საათებიც დაამატა. თანამედროვე კოლექციას ვხვდებით როგორც ტყავის ასევე მეტალის სამაჯურზე. ფერების არჩევანიც ფართოა და მომხმარებელს შესაძლებლობას აძლევს შეზღუდვების გარეშე აირჩიოს ფავორიტი მოდელი, რომელიც მისი ყოველდღიური თანამგზავრის როლს შეასრულებს.

“Zulu Time”-ის კოლექციის შემდეგ 1997 წლიდან DolceVita-მ დაიმკვიდრა გამორჩეული და უნიკალური კოლექციის სახელი Longines-ის მართკუთხა საათებს შორის. კოლექციაში გაერთიანებული ყველა მოდელი მართკუთხა ფორმას ატარებდა. Longines-მა შექმნა ერთმანეთის მსგავსი და ამავდროულად ერთმანეთისგან განსხვავებული საათები. ზოგიერთი მოდელის ციფერბლატზე წარმოდგენილია რომაული ციფრები, ზოგიერთის ციფერბლატზე არაბული, ზოგიერთისაზე კი სულაც ინდექსები. რაც კიდევ ერთხელ უსვამს ხაზს ბრენდისთვის მომხმარებლის კმაყოფილების პრიორიტეტზე.

მიუხედავად წარმატებული კოლექციისა Longines-მა DolceVita-ს ახალი ვარიაცია რამოდენიმე წელიწადში ისევ წარადგინა, რომელიც ამ შემთხვევაში უკვე გარდა ვიზუალური ასევე ზომის სხვაობითაც წარმოგვიდგება – Mini DolceVita. კოლექციაში შემავალი თითოეული საათი გამოირჩევა გლუვი კანტებით, მოდელების კორპუსი კი უჟანგავი ფოლადისგანაა დამზადებული. საათების მექანიზმებს შორის ვხვდებით ყველასთვის ნაცნობ და ერთ-ერთ ყველაზე პრაქტიკულს კვარცს. Longines-მა თავის ერთგულ მომხმარებელს შესთავაზა Mini DolceVita-ს 11 სხვადასხვა ვარიაცია. 11 მოდელი ერთმანეთისგან განსხვავებულ ფერებში წარმოგვიდგება. შესაბამისად თითოეულ მოდელს თავისი პატრონის მოძებნა კიდევ უფრო უადვილდება. ზოგიერთი საათის ციფერბლატზე ძვირფასს ქვებს, ბრილიანტებსაც, ვხვდებით. მიუხედავად მინიმალისტური დიზაინისა თითოეულ მოდელში გამოყენებული დეტალის, ფერის თუ ბრილიანტის თვლის წყალობით საათის შეუმჩნევლად დატოვება უბრალოდ შეუძლებელ მისიას წარმოადგენს.

Longines-მა ბოლო და ყველაზე გახმაურებული კოლექციის განახლება ისევ და ისევ DolceVita-ს ეხება. Longines-მა 2023 წელს თავიდან განაახლა კოლექცია და ამჯერად შემატა მას რამოდენიმე საათი მეტალის სამაჯურზეც. ახალ მოდელებს ვხვდებით განახლებული ციფერბლატით, ბრილიანტებით და ბრილიანტების გარეშე. საათის კორპუსისა და სამაჯურის გარდამავლობა კი ერთ მთლიანობას ქმნის, რომელსაც გულგრილად ვერავინ აუვლის გვერდს.

“ტრადიციული” მრგვალი საათების პოპულარობის მიუხედავად Longines-ის Mini DolceVita-ს კოლექცია რჩება შვეიცარიული საათების ნაკეთობებს შორის ერთ-ერთ რევოლუციად, რომლის ისტორიაც ჯერ კიდევ 1992-იან წლებში დაიწყო. Longines-ის მიერ შექმნილი Mini DolceVita გამოხატავს ბრენდის ფუფუნებას და თანამედროვე ელეგანტურობას. ის გამოხატავს მარადიულ სტილს თითოეულ დეტალთან ერთად. სწორედ 1997 წელს შექმნილი პირველი DolceVita-ს კოლექცია კი გახდა ყველასთვის ნაცნობი სლოგანის ინსპირაციის წყარო – “Elegance is an attitude”, რომელსაც Longines დღემდე წარმატებით ინარჩუნებს.

ართთაიმის მაღაზიათა ქსელში წარმოდგენილია Longines DolceVita-ს და Mini DolceVita-ს არაერთი მოდელი, როგორც ტყავის სხვადასხვა ფერის ვარიაციაში ასევე მეტალის სამაჯურზე. ლეგენდარული საათების შეძენა შესაძლებელია როგორც ფიზიკურ ასევე ონლაინ მაღაზიაში. თუმცა გაფრთხილებთ, მოდელების სილამაზე და ხარისხი იმდენად პროპორციული, ობიექტური და შეუდარებელია, რომ მათზე უარის თქმა უპირობოდ გაგიჭირდებათ.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *