ლეგენდარული SWATCH-ის მისია მთვარეზე!

Swatch არის ბრენდი, რომელსაც არ უჭირს ერთგული მომხმარებლის საოცარი სიხშირით გაოცება. ბრენდის მიერ შექმნილ კოლექციებს შორის ვხვდებით პლანეტების ინსპირაციით შექმნილ საათებს, დისნეის გამორჩეული პერსონაჟების – როგორიცაა მიკი მაუსი. მსოფლიო ოკეანეების, სხვადასხვა ცნობილ გალერეასთან კოლაბორაციებს, როგორიცაა Tate-ის გალერეა და Pompidou, ან უბრალოდ ყველასთვის ცნობილი გადაცემით შექმნილ მოდელებს როგორიცაა The Simpsons-ის კოლექცია.
თუმცა მაინც, Swatch-ის ერთ-ერთი ყველაზე გახმაურებული კოლაბორაცია Omega-ს ბრენდთან ასოცირდება. სწორედ ამიტომ, Omega-სა და Swatch-ის საკულტო კოლექცია 2 წლის შემდეგ კიდევ ერთი მისიით დაბრუნდა! ამჯერად მსოფლიოში გამორჩეულმა ორმა საოცარმა ბრენდმა ორი მოდელი წარმოგვიდგინა – New Moon და Full Moon.
MISSION TO THE MOONPHASE – NEW MOON



პირველი მოდელი, რომელიც ცნობილია სახელწოდებით – “New Moon” შავ ფერშია შექმნილი და გამოირჩევა საოცარი ელეგანტურობით. მისი კორპუსი ბიოკერამიკისაა, სამაჯური კი Vectro-ს მასალისგანაა შექმნილი. შავი ფერის მოდელს ამშვენებს თეთრი მინიმალისტური დეტალები, რომლებიც საათის გამოყენებას ამარტივებს ვიზუალს კი მეტად დახვეწილს ხდის. OmegaXSwatch-ის კოლაბორაციის შედეგად შექმნილი ახალი შავი ფერის მოდელი ალბათ ერთ-ერთი ყველაზე პოეტური გადაწყვეტილება გახდა გამორჩეული ბრენდების ისტორიაში. OmegaXSwatch-ის მიერ შემოთავაზებული მოდელი New Moon ატარებს Speedmaster-ის სიმბოლოსა და MoonSwatch-ის ლოგოს. თუმცა ეს დასასრული არ არის და საათის ყველაზე საყვარელი და განსაკუთრებული დეტალის გარჩევა წინ გელოდებათ. მაგრამ ჯერ, Full Moon-ის მოდელი განვიხილოთ.
MISSION TO THE MOONPHASE – FULL MOON



OmegaXSwatch-ის მიერ შექმნილი მოდელი საოცრების სახელწოდება “Full Moon” არის. ამ შემთხვევაში საათი უკვე თეთრ ფერშია წარმოდგენილი, რომელსაც ანალოგიურად პირველი მოდელისა Vectro-ს სამაჯური და ბიოკერამიკული კორპუსი ამშვენებს. შავი მოდელისგან განსხვავებით ციფერბლატზე და კორპუსის გარშემო უკვე შავ დეტალებს ვხვდებით, რომლებიც ანალოგიური ფუნქციის მატარებელია ამ შემთხვევაშიც. თეთრი ფერის მოდელზე ასევე ვხვდებით Speedmaster-ის სიმბოლოსა და MoonSwatch-ის ლოგოს. საათის დიამეტრი 42მმ-ია რაც მას უნისექსს ხდის. მოდელის უკანა მხარეს კი სავსე მთვარის ჩანახატი გვხვდება.
SNOOPY-ის როლი OMEGAXSWATCH-ის საკულტო მოდელებზე!
ახლა კი გადავიდეთ მთავარზე, OmegaXSwatch-ის საკულტო მოდელებზე ყველასთვის საყვარელი Snoopy-ის ვხვდებით. ყველასთვის საყვარელი Snoopy, NASA-ს ამბასადორი 1960-იანი წლებიდან არის და ამ შემთხვევაშიც უკვე OmegaXSwatch-ის უნიკალური მოდელის მთავარ დეტალს წარმოადგენს. წამოწოლილი Snoopy მთვარის ფაზის მანიშნებელს ამშვენებს და ყოველ 2 საათზე ბრუნავს. მსოფლიოში გამორჩეული მოდელი ულტრაიისფერი განათებისას Snoopy-ის კომიქსის პატარა ციტატას აჩენს – “I Can’t Sleep Without A Night Light!”. ციტატა მომაჯადოებელ ლურჯ ფერში გვხვდება და ცდუნების მწვერვალებს იპყრობს.
Swatch-ის მიერ შექმნილი ყოველი მომდევნო კოლექცია კიდევ უფრო გრანდიოზული შედევრია ვიდრე მისი წინამორბედი, რისი მარტივი მაგალითიც სწორედ ეს კოლექციაა. Swatch არის ბრენდი, რომელიც გაპოვნინებთ თქვენ ერთგულ თანამგზავრს, რომელიც პირველივე ნახვით აუცილებლად შეგიყვარდებათ და თქვენი გამორჩეული, ისტორიის მატარებელი მეგობარი გახდება.
გრანდიოზული MoonSwatch-ის კოლექცია მსოფლიო მასშტაბით ხელმისაწვდომი 26 მარტს გახდა, სულ მალე კი ყველასთვის საყვარელი OmegaXSwatch-ის კოლაბორაციით შექმნილი ორი უნიკალური საათი ართთაიმის მაღაზიათა ქსელში გახდება ხელმისაწვდომი, გმირთა მოედანზე, კოსტავას 63-ში Swatch-ის ოფიციალურ ფილიალში!