სიახლე, სიახლე

იმოგზაურეთ ხელოვნების სამყაროში SWATCH-თან ერთად!

2024 წლის ერთ-ერთი ყველაზე გამორჩეული კამპანია Tate-ის გალერიასთან თანამშრომლობით იწყება! მოდელები გამოგზაურებენ როგორც დროში ასევე ხელოვნების სხვადასხვა ჟანრში და რაც ყველაზე მთავარია თვითგამოხატვის უდიდესს შესაძლებლობას მოგცემთ. SwatchXTate გალერიის მიერ შექმნილი კოლექცია არის ნამდვილი შედევრების რეალურ სამყაროში აღზევება. ინოვაციური და პროვოკაციური ხასიათის მატარებელი საათები ყველანაირ ზღვარს ცდებიან! შემოუერთდით Swatch-ის თავგადასავალს და ნახეთ თუ სადამდე მიგიყვანთ ხელოვნება!

LEGER’S TWO WOMEN HOLDING FLOWERS

Two Women Holding Flowers არის ფრანგი მხატვრის Leger-ის ზეთის ტილოზე შესრულებული ნახატი 1954 წელს. ნახატზე აღბეჭდილი ორი ქალბატონის სხეული ერთმანეთს ერწყმის და გაურკვეველს ხდის თუ სად მთავრდება ერთი სხეული და სად იწყება მეორე. ნახატში გამოყენებული ტექნიკები, რომლებიც შეუცვლელად არის გადმოტანილი Swatch-ის საათზე ასახავს ნამდვილ კუბიზმის არსს და მხატვრის გამორჩეულ ხედვას.

CHAGALL’S BLUE CIRCUS

Chagall მთელი ცხოვრების განმავლობაში შთაგონებას ცირკის სამყაროდან იღებდა, რომლითაც ბავშვობიდან იყო მოხიბლული. ცირკის ქაოტურმა და ფერადმა ატმოსფერომ Chagall იმდენად მოხიბლა, რომ მან შეძლო მასში ცხოვრების ყველა ასპექტის დანახვა კომიკურიდან ტრაგიკულამდე. მოგვიანებით კი თქვა, რომ “ცირკი მისთვის არის ჯადოსნური შოუ, რომელიც ჩნდება და ქრება როგორც სამყარო”. Blue Circus არის ზეთის ტილოზე დახატული ნახატი, რომელიც მხატვარმა 1953 წელს წარადგინა. Swatch-მა შეუცვლელად აღბეჭდა ნახატი საათზე და მომხმარებლისთვის შესაძლებელი გახადა ცირკის ჯადოსნურობის შეგრძნება.

MIRO’S WOMEN & BIRD IN THE MOONLIGHT

Women & Bird in the Moonlight არის საათების სერიის ერთ-ერთი წევრი, რომელიც 1949-50-იან წლებში შექმნა Miro-მ. მხატვარი იყენებდა ნათელ ფერებსა და მარტივ ფორმებს თავის თითოეულ ნახატში, რაც მისი ერთ-ერთი განსხვავებული ხელწერა გახდა. ნახატი შთაგონებულია იმ ჰარმონიული, ელემენტარული ურთიერთობებით რომელიც ადამიანსა და ბუნებას ერთმანეთთან აკავშირებს. გარდა ამისა, ნახატზე აღბეჭდილია იმ საფრთხის შესახებაც, რომელიც თანამედროვე ცივილიზაციას ელოდებოდა. Swatch-მა ამ შემთხვევაშიც უცვლელად შეძლო ნახატის მაჯის საათზე გადმოტანა და კიდევ უფრო დაახლოვა ადამიანი ხელოვნებასა და მის მნიშვნელობასთან.

TURNER’S SCARLET SUNSET

Turner-ის მიერ შექმნილი ნახატი თბილ ფერებში ამ შემთხვევაშიც უცვლელად არის გადმოტანილი Swatch-ის საათზე. საათის ციფერბლატზე კი მზის ჩასვლის ულამაზესი გამოსახულებაა, რომელიც სინათლისა და ფერების გარდამავლობის ოსტატობის საუკეთესო მაგალითია. ნახატი შეიქმნა 1930-40-იან წლებში გუაშით. მაჯის საათის მეპატრონე საათის შემოწმებისას კი ყოველ ჯერზე უდაოდ შეიგრძნობს იმ სითბოს, რომელიც მხატვარმა ჯერ კიდევ წინა საუკუნეში ჩაახსოვა თავის ნახატში.

MATISSE’S SNAIL

Matisse-მა შეუწყო ხელი ხელოვნების რევოლუციას 1900-იანი წლების დასაწყისში. 1948 წელს ხელოვანი მიეჯაჭვა საწოლს, თუმცა არსებულმა არ შეუშალა ხელი შეექმნა რამოდენიმე განსაკუთრებული ნამუშევარი, რომელთა შორის არის Snail-იც. განსხვავებით სხვა ხელოვანთაგან Matisse ხატავდა პირდაპირ ფერში, რაც მისი ტექნიკის განსაკუთრებული ნაწილია. Swatch-ის მიერ შექმნილი საათის ციფერბლატზე ვხვდებით სრულ ნახატს კვადრატულ ფორმაში, ხოლო ჩარჩოებში მკრთლად ჩანს მექანიზმი, რომელიც ამუშავებს ხელოვნების ინსპირაციით შექმნილ მოდელს.

BOURGEOIS’S SPIRALS

Bourgeois-ის შემოქმედებას შორის ძალიან ხშირად არის გამოყენებული სპირალის სიმბოლო. თითოეული მრუდი, რომელიც არის აღბეჭდილი მრავალჯერადი მნიშვნელობის მატარებელია, რომელიც მხატვარმა მიანიჭა. ერთ-ერთი არის თავისუფლება, ნდობა და პოზიტიური ენერგიის ძლიერი მოზღვავება. ნახატი ამ შემთხვევაშიც სრულად არის გადმოტანილი Swatch-ის მიერ შექმნილ საათზე. მისი მეპატრონე კი გახდა იმ თავისუფლების და პოზიტიური ენერგიის მატარებელი, რომელიც ასე ძალიან გვჭირდება ყველას.

BARNS-GRAHAM’S ORANGE AND RED ON PINK

Barns-Graham-ის ნამუშევარში სრულად არის ნაჩვენები ფერების ნამდვილი სიხარული. მდიდარი ფერები და შავი ფერით გაჟღენთილი ხაზები ნამდვილი თავისუფლების სიმბოლოა, რომელიც ახლა უკვე თქვენს ყოველდღიურობას ნამდვილ სიმდიდრესა და სიხარულს შესძენს.

7 სხვადასხვა ხელოვანის მიერ შექმნილი 7 სხვადასხვა ნახატი, რომელიც უცვლელად არის გადმოტანილი Swatch-ის მაჯის საათებზე უკვე ხელმისაწვდომია ართთაიმის მაღაზიათა ქსელში. მოასწარით შეიგრძნოთ ხელოვნების ნიმუშები თქვენს მაჯაზე და ნახოთ თუ სადამდე შეუძლია ხელოვნებას თქვენი მიყვანა!

TATE-ის გალერიის შესახებ

Tate-ის გალერიაში ვხვდებით როგორც მოდერნისტულ ასევე თანამედროვე შედევრებს. მათ შორის დაახლოებით არის 70 000 ნახატი, ქანდაკება და ინსტალაცია. გარდა ამისა, Tate-ის გალერია ხშირად მასპინძლობს უნიკალური ღონისძიებების სერიას, რომელიც მიზნად ისახავს აღნიშნოს და წარმოაჩინოს ხელოვნების სხვადასხვა ფორმა და მისი მნიშვნელობა!

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *