სიახლე, სიახლე

Swatch Pompidou – ხელოვნების ნიმუში თქვენს მაჯაზე

Swatch Pompidou-მ 6 ხელოვნების ნიმუში ფერად მაჯის საათებად გადააქცია!

Swatch თამამად წარმოგვიდგენს მსოფლიოში ერთ-ერთ ყველაზე დიდ თანამედროვე ხელოვნების კოლექციის ინსპირაციით შექმნილ Swatch X Centre Pompidou კოლექციას. პარიზის ერთ-ერთი ღირსშესანიშნაობის ნამუშევრები გადმოტანილია მაჯის საათებზე. უბრალოდ წარმოიდგინეთ, ფრიდა კალოს, ამადეო მოდილიანის, რობერტ დელონეის, ვასილი კანდინსკისა და პიტ მონდრიანის მიერ შექმნილი შედევრები შეგიძლიათ მუდამ თან, მაჯაზე ატაროთ.

დრო შენს ხელშია. Swatch-ის უდიდესი სურვილია ადამიანების ცხოვრებაში ხელოვნებას უფრო დიდი ადგილი ეკავოს. 1985 წლიდან ბრენდი გვანებივრებს ხელოვნებით ინსპირირებული განსაკუთრებული საათებით. 2018 წლიდან Swatch-ი გვამოგზაურებს მსოფლიოს წამყვან მუზეუმებში და ლეგენდარულ ხელოვნების ნიმუშებს ყველასთვის ხელმისაწვდომს ხდის. დღემდე Swatch-ის მასპინძელი უკვე გახდა Rijksmuseum ამსტერდამში, Thyssen-Bornemisza Natioanl Museum მადრიდში, Musee du Louvre პარიზში, Museum of Modern Art (MOMA) ნიუ იორკში და ახლა უკვე Centre Pompidou-ც პარიზში.

Swatch-ის და Centre Pompidou-ს საერთო ზრახვები ცალსახაა. ორივეს მიზნად აქვს დასახული ხელოვნება ხელმისაწვდომი გახადოს რაც შეიძლება მეტი ადამიანისათვის. ორივე თავის მხრივ რევოლუციონერია. Swatch-ი ხელოვნების მაჯაზე გადმოტანისთვის და Centre Pompidou ხელოვნების ნიმუშების ფართო მასებისთვის გავრცელებისთვის. ცოცხალი ფერები და გამჭვირვალე დეტალები არის შვეიცარიული ბრენდის ხელწერა. სრულიად გამჭვირვალე შენობა, რომელიც დამშვენებულია შეფერილი მეტალის მილებითა და ცნობილი “მუხლუხოს” ტიპის შუშით გადაფარებული ესკალატორებით, ყველა გამვლელს აძლევს შესაძლებლობას თვალი შეავლოს ხელოვნების ნიმუშებს.

Swatch X Centre Pompidou Collection არის სვოჩის ხელოვნების კოლექცია, რომელიც სათავეს იღებს 1985 წელს შექმნილი საათით Kiki Picasso. 1999 წელს შენობის არქიტექტორმა, რენზო პიანომ თავისი ხელწერით შექმნა JELLY PIANO საათი. ამავე წელს, Centre Pompidou-ს რენოვაციისას სვოჩმა შექმნა მსოფლიოში ყველაზე დიდი გარე ბილბორდი. ბილბორდზე არსებულმა წარწერამ “Vous aussi, vous etes notre musee” – “თქვენც, თქვენც ჩვენი მუზეუმი ხართ”, გინესის მსოფლიო რეკორდებში საპატიო ადგილი დაიკავა.

Swatch X Pompidou -ს საათები

Swatch-მა Centre Pompidou-ს ექვსი ხელოვნების ნიმუში, საკუთარი ხელწერითა და განსაკუთრებული ნიშანთვისებებით შექმნა. შედეგი? ხელოვნების ნიმუშები მუდამ ჩვენთან ახლოს, რომლებიც მატებენ ფერებს ყოველდღიურობას და სულ გვახსენებენ თავს.

swatch pompidou

PORTRAIT OF DEDIE, BY AMADEO MODIGLIANI

საათი აღბეჭდავს იტალიელი მხატვრის ლეგენდარული პორტრეტებიდან ერთ-ერთ სახეს, რომელიც მე-20 საუკუნის პარიზის უდავო განსახიერებაა. საათის სამაჯურზე წააწყდებით მხატვრის ხელმოწერასაც. ციფერბლატზე მეტალის ბზინვარება და მოულოდნელად მოელვარე ვარდისფერი დეტალები საათის კორპუსზე, შესაკრავსა და ისრებზე მას კიდევ უფრო მეტად განსაკუთრებულს ხდის.

swatch pompidou

CAROUSEL, BY ROBERT DELAUNAY

ეს მოდელი ინსპირაციას იღებს მხატვრის მიერ შესრულებული ხელოვნების ნიმუშის მესამე ვერსიიდან, პირველი ორი ვერსია მხატვარმა თავად გაანადგურა. დელონეი იღვწოდა, რომ მოძრაობა ფერებით აღეწერა და Swatch-ისთვის, რა თქმა უნდა, ამის აღბეჭდვა უდავოდ ძალიან მიმზიდველი იყო. გამორჩეულად ამოჭრილი ციფერბლატი, რომელიც კალენდრის მექანიზმზე სხვადასხვა ფერებში მოძრაობს, ხაზს უსვამს ფერების დინამიკურობასა და მოძრაობას.

EIFFEL TOWER, BY ROBERT DELAUNAY

საათზე წარმოდგენილია პარიზის უმთავრესი ღირსშესანიშნაობის განსხვავებული ხედი, რომლითაც ის კიდევ უფრო დიადად წარმოგვიდგება. ხელოვნების ნიმუშში გამოყენებული ფერები ეიფელის კოშკისთვის უცვლელად არის გადმოტანილი მაჯის საათში, ხოლო ციფერბლატზე, სამაჯურზე და ისრებზე დამატებული წითელი, ყვითელი, ნარინჯისფერი და ლურჯი ფერები სიცოცხლეს მატებს მას.

THE FRAME, BY FRIDA KAHLO

საათზე სარკისებურად წარმოდგენილია მხატვრის ყველაზე ცნობილი ავტოპორტრეტი, რომელიც საუკეთესოდ არის განთავსებული საათის 6 და 12 საათიან მაჩვენებლებთან. ნათელი, სადღესასწაულო ფერები, თითქოს კომპენსირებულია დომინანტი ვარდისფერით სამაჯურის უკანა ნაწილზე.

pompidou

RED, BLUE AND WHITE BY PIET MONDRIAN

საათი შექმნილია გეომეტრიული აბსტრაქციის მთავარი მოთამაშის პატივსაცემად, ვისი გავლენაც აშკარად იგრძნობა მოდის, არქიტექტურისა და დიზაინის სამყაროში. Swatch-მა საათზე უცვლელად გადმოიტანა ორიგინალი ნამუშევრის ფერები და შეუხამა ის მქრქალ შავ ციფერბლატსა და მასიურ ისრებს.

swatch pompidou

BLUE SKY, BY VASSILY KANDINSKY

საათი აშკარა განსახიერებაა იმ ლურჯი მომხიბვლელობის, რომელსაც მხატვარი გადმოსცემს. კანდინსკის ღრმა და ტექსტურულ ფერწერას ემატება სხვადასხვა დამაინტრიგებელი პერსონაჟი, რომელიც ორიგინალი ნამუშევრის მსგავსად მიმოფანტულია საათის ციფერბლატსა და სამაჯურზე.

Centre Pompidou-ს შესახებ

1977 წლიდან ცენტრი პომპიდუ წარმოგვიდგენს უზარმაზარ კოლექციას ხელოვნების სხვადასხვა მიმდინარეობებში. მისი კარი ყოველთვის ღიაა განსხვავებული ინტერესების მქონე ადამიანებისთვის. მუზეუმის ლეგენდარული შენობა იტევს თანამედროვე ხელოვნების ნამუშევრების უდიდეს კოლექციას ევროპაში და მსოფლიოს დონეზეც საპატიო ადგილი უკავია. შენობაში ხშირად ტარდება გამოფენები, ფესტივალები, სიმპოზიუმები, სახელოსნოები ახალგაზრდებისთვის და ბევრი სხვა აქტივობა, რომელიც ღრმად არის ჩამჯდარი პარიზის კულტურაში და მუდამ ღიაა ხელოვნებასა და ინოვაციისთვის.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *