სიახლე, სიახლე

TISSOT PRX – ის რასაც დიდი ხანი ველოდით!

Tissot PRX არის 1978 წლის ლეგენდარული მოდელის თანამედროვე აღზევება. თანაც განსხვავებული, ერთმანეთში გარდამავალი სამაჯურითა და კორპუსით. კოლექცია, რომელიც გამოირჩევა თხელი, მარადიული და მაშინვე თვალშისაცემი დიზაინით, შექმნილია ადამიანებისთვის, ვისთვისაც დიზაინი, ხარისხი და ინოვაცია ერთნაირად მნიშვნელოვანია.

Tissot PRX-ის ისტორია 1970-იანებში იწყება

Tissot-ს ტყუილად არ ეძახიან ტრადიციულ ინოვატორს. ბრენდმა ყოველთვის იცოდა, როგორ გარდაქმნას და გაამრავალფეროვნოს, ტრადიციული, ისტორიული დიზაინი. 1970-იან წლებში ბრენდის კოლექციაში გამოჩნდა საათები, რომელთა სამაჯურებიც იდეალურად ერწყმოდა საათის კორპუსს. იმ პერიოდში ბრენდს შემუშავებული ჰქონდა ახალი კვარცის მექანიზმიც. ეს კი საშუალებას აძლევდა კორპუსის სისქე მაქსიმალურად შემცირებულიყო.

თანამედროვე სპორტულ მაჯის საათებში, Tissot PRX-ს ნამდვილად საპატიო ადგილი უკავია – საათის თითოეული დეტალი დიდი ყურადღებითა და უმაღლესი ხარისხის მასალებით არის შექმნილი. თავად ბრენდისთვის, კი ეს კოლექცია უდაოდ აღსანიშნავი და გამორჩეულია.

მომრგვალებული ბეზელი

თხელი, იდეალურად გაპრიალებული, მომრგვალებული ბეზელიც სამაჯურსა და კორპუსთან ერთად საათის დიზაინის ხელწერას ქმნის. ის კრავს გამოკვეთილ, იდეალურ წრეს საათის შუაგულში. Tissot-მ საფუძველი ჩაუყარა სამაჯურისა და კორპუსის იდეალურ შერწყმას დახვეწილი ტექსტურის მქონე ბეზელის მეშვეობით.

ფართო კორპუსი

ამ კოლექციის მოდელების კორპუსი ფართოვდება სამაჯურთან მიახლოებისას. ამას ერთადერთი მიზეზი აქვს, უკეთესი გადაბმა. PRX-ის საათის კორპუსსა და სამაჯურს შორის არ არის მაჯის საათებისთვის დამახასიათებელი გადაბმა, ე.წ. ლაგებით – შესაბამისად, კორპუსის ბოლო მარტივად გადადის სამაჯურის პირველ ლინკში.

საათის მორგებისას მაშინვე შეიგრძნობთ მის სიმსუბუქესა და სითხელეს. TISSOT-მ ეს ეფექტი მიიღო საკმაოდ მარტივი და ამავდროულად განსაკუთრებული მეთოდით. – საათის ისრები იმდენად ახლოს არის ზედა კრისტალთან, რომ ვიზუალურად სივრცე მაქსიმალურად თხელი გვეჩვენება.

გასაოცარი სამაჯური

ერთმანეთის მიყოლებით დაწყობილი, მქრქალი, ბოლოსკენ უფრო შევიწროებული ლინკები ანიჭებს საათს ასეთ უნიკალურ შესახედაობას.

აღსანიშნავია, რომ სამაჯურში გამოყენებული მასალები ხარისხით ოდნავადაც არ ჩამოუვარდება კორპუსისა და საათის მექანიზმის მასალებს.

სამაჯურის მოქნილობა და პორტაბელურობა უდაოდ მიღწევა იყო ბრენდის დიზაინის ისტორიაში. PRX სერიაში სამაჯური მოხერხებულად ეკვრის მაჯას და ქმნის კომფორტისა და მაამებელი გარეგნობის შეგრძნებას.

Tissot PRX silver cover

კვარცი და ავტომატი

Tissot PRX კოლექციაში გვხვდება როგორც კვარცის, ასევე ავტომატური მექანიზმის მქონე მოდელები. ჭედური ფაქტურის მქონე ლურჯი, ვერცხლისფერი და შავი ციფერბლატი, განსხვავებული წაწვეტებული კორპუსი და მკვრივი, მაგრამ ამავდროულად მოქნილი სამაჯური – აი რა ქმნის ამ კოლექციის საათს დიზაინის ხელოვნების ნიმუშად.

ახალი მოდელები ასევე აღჭურვილია ავტომატური Powermatic 80 მექანიზმით. ის უზრუნველყოფს საათის სვლის მარაგს 80 საათამდე და მაქსიმალურად დაცულია მაგნიტური ზემოქმედებისგან.

დღეიდან Tissot PRX კოლექციის მოდელების შეძენა უკვე შესაძლებელია ართთაიმის მაღაზიათა ქსელში!

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *