TAG Heuer x Porsche – ერთი სახელი. ორი ლეგენდა.

TAG Heuer x Porsche – ერთი სახელი. ორი ლეგენდა.
დიახ, ორი პრემიუმ ბრენდი TAG Heuer x Porsche გაერთიანდა, რომ ერთობლივი ძალებით შექმნან დაუვიწყარი გამოცდილება თავისი მომხმარებლებისთვის.
„ჩვენი მეგობრობა Tag Heuer-თან გრძელდება უკვე ათწლეულებია და ძალიან მოხარული ვარ, რომ ახლა ეს მეგობრობა სტრატეგიულ თანამშრომლობაში გადაიზარდა. ერთად ჩვენ ვქმნით იმას, რაც ასე ძალიან უყვარს ჩვენს მომხმარებლებს: ნამდვილი მემკვიდრეობა, ამაღელვებელი სპორტული ღონისძიებები, უნიკალური ცხოვრებისეული გამოცდილება და ოცნებების ასრულება. ჩვენ ორივე მივისწრაფვით ჩვენი მომხმარებლისთვის გამორჩეული, ჯადოსნური მომენტების შექმნისკენ და ახლა მოუთმენლად ველოდებით საერთო პროექტების განხორციელებას. “ – Detlev von Platen Porsche-ს გაყიდვებისა და მარკეტინგის საბჭოს წევრი.
„Tag Heuer-სა და Porsche-ს აქვთ საერთო ისტორია, ღირებულებები და რაც ყველაზე მთავარია, ერთნაირი დამოკიდებულება საქმის მიმართ. ისევე როგორც Porsche, ჩვენც ვამსხვრევთ სტერეოტიპებს და ყოველთვის მივისწრაფვით სრულყოფილებისაკენ. ათწლეულების მანძილზე განხორციელებული უამრავი საერთო პროექტის შემდეგ Tag Heuer-ი და Porsche კიდევ ერთხელ ერთიანდებიან და საერთო ძალებით შექმნიან უბადლო გამოცდილებებსა და პროდუქტებს ჩვენი მომახმარებლებისა და მიმდევრებისთვის, ვისთვისაც მნიშვნელოვანია ის ღირებულებები, რასაც ორივე ბრენდი ვთავაზობთ“ – Frederic Arnault, CEO of Tag Heuer.
ორი ისტორია – ერთი გატაცება
ორი ლეგენდარული კომპანიის ისტორიაში ნახევარ საუკუნეზე მეტია გვხვდება საერთო ეპიზოდები. ბრენდების მემკვიდრეობაში თანაკვეთა ჯერ კიდევ მათი დამფუძნებლებიდან მომდინარეობს. ედუარდ ჰოიერისა და ფერდინანდ პორშეს ხედვამ სრულიად შეცვალა ის სფეროები, სადაც მათ მუშაობა დაიწყეს. Heuer-მა შექმნა პირველი ქრონოგრაფი, ხოლო Porsche-მ ახალი ელექტრონული ბორბლების კვანძი. ამ ორივე გამოგონებამ დაიმსახურა ჯილდო პარიზში, მსოფლიო გამოფენებზე 11 წლიანი შუალედით. Heuer-მა აღიარება დაიმსახურა 1889 წელს, ხოლო Porsche-მ – 1900.
ფერდინანდ პორშეს შვილი – ფერდინანდ ანტონ ერნსტი, ანუ „Ferry”, შეუერთდა მამამისის საინჟინრო ოფისს 1931 წელს, 22 წლის ასაკში. 1948 წელს უკვე დააფუძნა ოჯახის გვარის მატარებელი მანქანის ბრენდი. Porsche-ს სახელი რამოდენიმე წელიწადში დაკავშირებული გახდა მსოფლიო რბოლებთან – განსაკუთრებით კი 1954 წლის Carrera Panamericana-ს რბოლასთან. Carrera – თავის ყველაზე მძლავრ სპორტულ მანქანას პორშემ სწორად ამ რბოლაში გამარჯვების საპატივცემულოდ უწოდა.
ედუარდ ჰოიერის შვილთაშვილი – ჯეკი წარუძღვებოდა კომპანიას ათწლეულების მანძილზე. 1963 წელს მან შექმნა პირველი Heuer Carrera ქრონოგრაფი, რომელიც მძღოლებს საშუალებას აძლევდა ერთი სწრაფი შეხედვით გაეგოთ დრო. Heuer Monaco ასევე მისი დამსახურებით შეიქმნა – პირველი ოთხკუთხედი, წყალგაუმტარი ავტომატური ქრონოგრაფიანი საათი. ეს სახელი უკავშირდება როგორც Monaco Grand Prix-ს ასევე Principality-ს ცნობილ Monte Carlo Rally-ს. ამ რბოლების გამარჯვებული 1968-1970-იან წლებში ზედიზედ ხდებოდა Porsche, რა თქმა უნდა 911 მოდელით.
Steve McQueen-ი და Heuer-ის ლოგო
ისევე როგორც Porsche 911-მა მანქანების ინდუსტრიაში, Heuer Monaco-მაც წარუშლელი კვალი დატოვა საათების წარმოების ტრადიციაზე. რა თქმა უნდა, ინოვაციები საკმაოდ დიდ თანხებთან იყო დაკავშირებული. ამ ხარჯების გასაბათილებლად ჯეკ ჰოიერმა თავისი ბრენდი დააკავშირა ჯო სიფერტთან – შვეიცარიელ ავტომრბოლელთან და Porsche-ს დილერთან.
საინტერესოა ჯო სიფერტისა და ჯეკის დადებული ხელშეკრულების პირობები, რომელიც ჯეკმა გაიხსენა 2005 წელს „Live Fast, Die Young” ფილმის პრემიერაზე. 25 000 შვეიცარიული ფრანკის სანაცვლოდ, ჯო დაიტანდა Heuer-ის ლოგოს მის მანქანასა და ფორმაზე. ჯო ასევე უფლებას იტოვებდა საბითუმო ფასში შეეძინა საათები და შემდეგ საკმაოდ სარფიანად მიეყიდა ის საათები თავისი მრბოლელი მეგობრებისთვის. რასაც, სხვათა შორის, ის ძალიან წარმატებულად ართმევდა თავს. 1969 წლის სეზონის ბოლოსთვის Heuer-ის საათები ძალიან ბევრს ეკეთა. 1970 წელს Le Mans-ში სტივ მაკქუინის სურვილი, ეტარებინა Heuer-ის ლოგო Porsche 917-ის მართვისას, სწორად ამან განაპირობა. “ლეგენდარული მრბოლელის ჯო სტიფერტის მანქანას ვატარებ და მინდა მისნაირად მეცვას კიდეც” – ამბობდა სტივ მაკქუინი.

TAG – ტურბო ძრავი – შექმნილი Porsche -ს მიერ McLaren-ის გუნდისთვის
1980-იანი წლებიდან, მას შემდეგ, რაც Heuer-ი TAG-ის ჯგუფის ნაწილი გახდა, კომპანია TAG Heuer-ის სახელით გახდა ცნობილი. Porsche-სა და Tag Heuer-ის საერთო ძალებით ამ დროს შეიქმნა TAG Turbo Engine. F1-ის მსოფლიო შეჯიბრებებში ამან ხელი შეუწყო მაკლარენის გუნდის ზედიზედ სამჯერ გამარჯვებას: ნიკი ლაუდა 1984-ში და ალაინ პროსტი 1985-სა და 1986-ში. 1999 წლიდან ბრენდები კიდევ უფრო დაახლოვდნენ – Porsche Carrera Cup, Supercup-ის შეჯიბრებები, Endurance World Championship და ბევრი სხვა. 2019 წელს პორშემ შექმნა Formula E-ს გუნდი სახელად TAG Heuer და რა თქმა უნდა, დროის ამთვლელიც სწორად TAG Heuer-ი იყო. Porsche-სა და Tag Heuer ხანგრძლივი კოლაბორაციის ისტორიაში ეს იყო ერთ-ერთი გადამწყვეტი მომენტი.

ახალი გამოწვევების მოლოდინში
ამჟამად TAG Heuer x Porsche-ს Formula E Team-ი ემზადება მსოფლიო ჩემპიონატისთვის. Porsche 99X Electric მანქანის საჭესთან იქნებიან ანდრე ლოტერერი და მისი ახალი თანაგუნდელი პასკალ ვერლაინი.
Porsche და TAG Heuer-ი გაერთიანებული ძალებით ემზადებიან FIA World Endurance ჩემპიონატისთვის (WEC). ასევე თვლიან, რომ მსოფლიო Porsche Carrera Cup რბოლებზე ეს იქნება საკვანძო და ძალიან მნიშვნელოვანი წელი მათი გუნდის წარმატებისთვის. TAG Heuer-ი ასევე ერთვება და მხარს დაუჭერს Porsche TAG Heuer Esports Supercup-ის ვირტუალურ რბოლებს (მიმდინარე პანდემიური მდგომარეობის გათვალისწინებით).

აუცილებლად აღსანიშნავია ისიც, რომ ორივე ბრენდი იზიარებს ინტერესს ჩოგბურთისა და გოლფის მიმართ. 2002 წლიდან Porsche არის შტუტგარტში Porsche Grand Prix-ს მთავარი ორგანიზატორი, წელს TAG Heuer-იც შეუერთდება პარტნიორების სიას.
სახელი Carrera უკვე წლებია უკავშირდება TAG Heuer-ს და Porsche-ს, ამიტომ მათი კოლაბორაცია გასაკვირი ნამდვილად არ იყო. TAG Heuer-ის ქრონოგრაფი – ეს იყო ორი ძლიერი, ყველასთვის ნაცნობი და ისტორიული მემკვიდრეობით სავსე ბრენდის კოლაბორაციის ერთ-ერთი შედეგი. TAG Heuer-ის ეს საათი ნამდვილად ხაზს უსვამს ამ ბრენდების სიდიადესა და აღმატებულობას.
ციფერბლატზე დატანილი Porsche, წითელი, შავი და ნაცრისფერი ფერების კომბინაცია, Porsche-ს საჭის თვალის ინსპირაციით შექმნილი მექანიზმი, ციფერბლატზე გამოყენებული ნაცრისფერი – გზისა და მუდმივი მოძრაობის სიმბოლო, ხოლო საათის მანიშნებელი ინდექსები შექმნილი Porsche-ს სპორტული მანქანის მართვის დაფის მსგავსად – გულგრილს ვერავის დატოვებს.



TAG HEUER CARRERA
CBN2013FC6483