SWATCH X PEANUTS

SWATCH X PEANUTS კოლექცია წარმოგიდგენთ სნუპის, ჩარლი ბრაუნის, ვუდსტოკის და ყველას, ყველას ყველას საათებს!
მოემზადეთ კარგი განწყობისთვისა და ფერადი თავგადასავლისთვის Swatch-ისა და Peanuts-ის კოლაბორაციის შედეგად შექმნილ საათებთან ერთად. კოლექცია გამდიდრებულია ჩარლზ მ. შულცის ლეგენდარული კომიქსების გმირებით. მოდელები უდაოდ დაგაბრუნებს ბავშვობაში და ხალისს შემოიტანს ყოველდღიურობაში კომიქსის დაუვიწყარი მომენტების შეხსენებით.
შეგახსენებთ, რომ Peanuts-ი მსოფლიოში ყველაზე ცნობილი კომიქსია, რომელსაც თითქმის 18 000 საკომიქსე ზოლი აქვს! შულცის ისტორიებში ბავშვური პრობლემები შერწყმულია ზრდასრულებისთვის დამახასიათებელი რეალიზმით და ყველასთვის საყვარელი გმირები: სნუპი, ჩარლი ბრაუნი და ვუდსტოკი მათ ყველასთვის გასაგებ ენაზე გადმოსცემენ. არ არსებობს ადამიანი, რომელიც არ იცნობს ამ გმირებიდან რომელიმეს მაინც! ბევრს გმირებში საკუთარი თავის ამოცნობაც შეუძლია.
SWATCH X PEANUTS
Swatch-ისთვის კოლაბორაციაზე მუშაობის მთელი პროცესი საინტერესო და სასიამოვნო იყო. ხომ წარმოგიდგენიათ რამდენი შრომაა ჩადებული და რაოდენ სასიამოვნო იყო Peanuts-ის კომიქსების გახსენება და საყვარელი გმირების უცნაურობებისა და განსაკუთრებული თვისებების გამომჟღავნება ექვს ულამაზეს დიზაინში?! რა თქმა უნდა, საათები წარმოდგენილია Swatch-ისთვის დამახასიათებელი კაშკაშა ფერებით. თუმცა, ამ კოლაბორაციას ყველასგან განსხვავებულს პატარა დეტალები ქმნის. საათებზე აღმოაჩენთ ისეთ მცირე, კომიქსისთვის დამახასიათებელ დეტალებს, როგორიც არის მაგალითად ბეიზბოლის ხელთათმანი და ბურთი FIRST BASE მოდელის ისრებზე.
Gent-ისა და New Gent-ის მოდელების შუშა და კორპუსი დამზადებულია ბიო მასალებისგან. ხოლო თითოეული მოდელის სილიკონის სამაჯური დამშვენებულია ლუპით, რომელზეც დატანილია Peanuts-ის ლოგო. საათებს მოყვება განსაკუთრებული შეფუთვა. კოლექციონერებისთვის კი, ვინც ექვსივე დიზაინის მფლობელი გახდება, Swatch სთავაზობს ჩარჩო შეფუთვას. მასში ხომ SWATCH x PEANUTS ექვსივე მოდელს ერთად მოათავსებთ და სილამაზით ტკბობას შეძლებთ!

SWATCH X PEANUTS – GRANDE BRACHETTO
ამ მოდელზე ორი სამყარო ერთიანდება: სნუპი დგას შვეიცარიის დროშის გვერდით! სნუპი ოცნებობს უამრავ თავგადასავალზე, მაგრამ საკუთარ სახლს არასდროს ტოვებს. სნუპი ხან კოსმონავტია, ხანაც მზარეული. ეს საათი კი საუკეთესოდ ასახავს მის მრავალმხრივ ალტერ ეგოს.
ლუსი ძალიან მიზანდასახული გოგოა, რომელსაც განსაკუთრებული პიროვნული თვისებები ახასიათებს. KLUNK! მოდელით Swatch-ი საუკეთესოდ ასახავს ლუსის ცოტათი თავხედურ ენერგიას და გვაჩვენებს მას ხან საქანელაზე, ხან ტელეფონით ხელში და კიდევ ბევრ სხვადასხვა სიტუაციაში სამაჯურზე. გარდა ამისა, ლურჯი და წითელი ფერი, რომლითაც გაწყობილია საათი და მისი შეფუთვა, არის ლუსის ტანსაცმლის ფერი კომიქსებში.


SWATCH X PEANUTS – HEE HEE HEE
Hee Hee Hee მოდელი გვაჩვენებს მოცეკვავე სნუპისა და გაოცებულ ვუდსტოკს. ამ მოდელში Swatch-მა მიმართა უფრო მინიმალისტურ დიზაინს და თითქმის სრულად გამოიყენა მხოლოდ ლურჯი ფერი ალაგ-ალაგ ყვითელი გამონათებებით. თანაც ეს მოდელი არის ასევე maxi ზომაშიც და მისი სიგრძე 210 სანტიმეტრია!
ჩარლი ბრაუნის ფანებისთვის შექმნილია ყვითელი Pow Wow მოდელი, რომელიც ასახავს საყვარელი პერსონაჟის მოუხერხებლობასა და ხშირად უიღბლობას. ციფერბლატზე ჩარლი სკეიტზე დგას, ხოლო სამაჯურზე შავ-თეთრი ფიგურები მისი უბედური შემთხვევებისა და ნიღბების ილუსტრაციაა.


Smack! მოდელით Swatch-მა 1960-1970-იანი წლების რეტრო სტილში დაგვაბრუნა და მთლიან საათზე წარმოაჩინა კომიქსის გმირები: ლუსი, სნუპი, ჩარლი ბრაუნი, ვუდსტოკი, სალი, ლინუსი და მისი სანდო საბანი.
Peanuts-ის კომიქსის სამეზობლოს ყველაზი დიდი და დისფუნქციური ბეიზბოლის ჯგუფი ჩარლი ბრაუნის მეთაურობით კვლავ შეიკრიბა! First Base არის მოდელი, რომელმაც თავის თავში გააერთიანა კომიქსის თითქმის ყველა პერსონაჟი. Swatch-მა კი ვერ გაუძლო ცდუნებას და საათის ისრებზე დაამატა ბეიზბოლის ბურთი და ხელთათმანი.

Swatch-ის შესახებ
ნიკოლას ჰაიაკის დამსახურებით, ამ ბრენდმა შექმნა ლეგენდარული, პროვოკაციული და ინოვავაციური საათი, რომელმაც გადაარჩინა შვეიცარიული საათების ინდუსტრია. ყოველთვის ფერადი, ბედნიერი, თამამი, ხმაურიანი და ამავდროულად მუდმივად სიახლეებით სავსე. რა თქმა უნდა, შვეიცარიული და მადლობა ტექნოლოგიურ განვითარებას, მხოლოდ 51 ნაწილისგან აწყობილი ყველასთვის ხელმისაწვდომი. მას შემდეგ, რაც “მეორე საათი” (second watch) დაიბადა 1983 წლის მარტში გაყიდულია მილიონობით ერთეული. ძალიან მცირე დროში Swatch-ი გახდა მსოფლიოში ერთ-ერთი ყველაზე ცნობადი ბრენდი და რა თქმა უნდა შექმნიდან დღემდე არ დაუკარგავს თავისი იდენტობა. საშუალოდ, Swatch-ის ახალი დიზაინი იქმნება ყოველ დღენახევარში ერთხელ!
Swatch-ს ძალიან უყვარს მომხმარებლისთვის სიურპრიზების მომზადება. ბრენდის რევოლუციური შინაარსის, კრეატიული მოდელებისა და ხშირად პროვოკაციული ხასიათის გამო, მომხმარებელიც მისგან სწორად ამას ელოდება. Swatch-ის საათები გახდა ტილო უამრავი მსოფლიო დონის ხელოვანი ადამიანისთვის და ყველაზე დიდი ხელოვნების გალერეა,სწორედ მაჯაზე გადმოიტანეს. შანხაიში Swatch-ს აქვს სასტუმრო, Swatch Art Peace Hotel, რომელიც გახდა სახლი მთელი მსოფლიოს ხელოვანთათვის. ბრენდი არც სპორტში მოიკოჭლებს. მისი ინტერესი ნიშური სპორტისადმი და Swatch Proteam- ი უდაოდ წარმატებულია თავისუფალ სრიალში თხილამურებზე, BMX-სა და დრონების რბოლაში. გაფრთხილებთ, Swatch-ის სიყვარული იწვევს დამოკიდებულებას! დღეს Swatch-ის კლუბს მსოფლიოში ასობით ათასი წევრი ჰყავს.
Peanuts-ის შესახებ
Peanuts-ის გმირები და სხვა შესაბამისი ინტელექტუალური საკუთრება ეკუთვნის Peanut Worldwide-ს, რომლის 41% არის Wildbrain Ltd.-ს, 39% Sony Music Entertainment (Japan) Inc.-ის და 20% ჩარლზ მ.შულცის ოჯახის მფლობელობაში. სწორად შულცმა წარმოგვიდგინა 1950 წელს Peanuts-ის კომიქსი ერთდროულად შვიდ სხვადასხვა გაზეთში. მას შემდეგ, სნუპიმ, ჩარლი ბრაუნმა და სხვა გმირებმა წარუშლელი კვალი დატოვეს მსოფლიოს პოპ კულტურაზე. გარდა იმისა, რომ შესაძლებელია Peanuts-ის ეპიზოდების ნახვა Apple TV+ – ზე, ყველა ასაკის თაყვანისმცემლისთის ხელმისაწვდომია უამრავი ბრენდული პროდუქცია, გასართობი პარკების ატრაქციონები, ღონისძიებები, სოციალური ქსელები და რა თქმა უნდა კომიქსები, როგორც ტრადიციული – ბეჭდური, ასევე ციფრული. 2018 წელს Peanuts-ი გახდა NASA-ს პარტნიორი. ამ პარტნიორობის მთავარი მიზანი კი არის მომავალ თაობებში კოსმოსის კვლევის ინტერესის გაღვივება.
აუცილებლად შევიძენ სრულ კოლექციას ⭐️
გვეწვიეთ!