SWATCH-ის ახალი კოლექცია – ზაფხულის ფერების სიკაშკაშე
Swatch Bioceramic-ის ახალი კოლექცია ბევრად უფრო ნათელი და ღაჟღაჟა მოდელებით წარსდგა თქვენს წინაშე!
ახალი კოლექცია
ზაფხულის მიწურულს Swatch-მა წარმოგვიდგინა კაშკაშა, ყველასთვის საყვარელი ნათელი ფერები სრულიად ახალი იერსახით. წარმოიდგინეთ, ერთი შეხედვით ნაცნობი მოდელები Gent და New Gent კოლექციებიდან ახლა კვლავ ყურადღების ცენტრშია. არც ისე დიდი ხნის წინ Swatch-მა წარმოგვიდგინა სრულიად ინოვაციური მასალა – ბიოკერამიკა, რომელიც არის კერამიკის ფხვნილისა და ბიო-გადამუშავებადი პლასტიკის ნაერთი. თავიდან ეს მასალა ჩვენ გავიცანით BIG BOLD კოლექციით. ახლა კი, ეს მასალა ახალი კოლექციის ერთ-ერთ მთავარ ელემენტად გვხვდება!
ახალი კოლექციის კაშკაშა ფერები შეუმჩნეველი ნამდვილად ვერ დარჩება! საბაზისოდ მონოქრომულ ფერთა გამოყენებით Swatch-მა ყველასთვის ნაცნობ, სახელგანთქმულ მექანიზმს შემატა ნათელი, ზაფხულის ფერები. ახალ კოლექციაში შეხვდებით წითელ, ყვითელ და ლურჯ დეტალებს პირდაპირ საათის შუაგულში – მის მექანიზმზე, როგორც თეთრ, ასევე შავ ვარიაციებში. ბიოკერამიკის მასალა საათს ნაზს და ხავერდოვანს ქმნის. ხოლო საათის სიმსუბუქე და წყალგაუმტარობა საშუალებას გვაძლევს ზაფხულის ბოლო ცხელი დღეები მაჯაზე კაშკაშა ფერებით აუზთან ან ზღვის სანაპიროზე გავატაროთ.
SWATCH BIOCERAMIC
ახალი კოლექციის საათების უმეტესობაში Swatch-ი თავის უნიკალურ მასალას იყენებს. ამ მასალის შემადგენლობაში ორი მესამედი არის კერამიკა, ხოლო ერთი მესამედი ბიო-პლასტიკი. სწორედ ეს განაპირობებს მის სიმკვრივეს, გამძლეობასა და შეხებისას აბრეშუმისმაგვარ შეგრძნებას. ამგვარად, Swatch-მა საათების წარმოებაში ხშირად გამოყენებული მასალებიდან საუკეთესო თვისებები უახლეს BIOCERAMIC-ში გააერთიანა. შეგახსენებთ, რომ ამ განსაკუთრებული მასალის დებიუტისთვის Swatch-მა BIG BOLD კოლექცია შეარჩია. სწორედ ამ კოლექციამ მოწონება დაიმსახურა, როგორც მთელ მსოფლიოში ასევე საქართველოში.
Swatch-მა საათების ინდუსტრიაში რევოლუცია ჯერ კიდევ 1983 წელს მოახდინა. Swatch-ის საათების მექანიზმი შედგებოდა მხოლოდ 51 ნაწილისგან. საათების მოყვარულებს გეცოდინებათ, რომ საათის ფასი სწორად მისი მექანიზმის სირთულით განისაზღვრება. საშუალოდ საათის მექანიზმში 200-250 ნაწილია, ხოლო 51 ნაწილისგან აწყობილი შვეიცარიული საათი, ნამდვილად რევოლუციური იყო. ოცდაჩვიდმეტი წლის შემდეგ მსოფლიო ბრენდმა წარმოგვიდგინა ბიო პლასტიკი. ეს მასალა პირველად გამოჩნდა 2020 წლის სექტემბერში Swatch BIORELOADED კოლექციაში. ამ კოლექციამ საათების მოყვარულების მოწონება დაიმსახურა და Swatch-მაც სხვა სიახლე არ დააყოვნა. დღესდღეობით BIOCERAMIC არის SWATCH NEXT კოლექციის ახალი ნაბიჯი ბრენდის მუდმივად ინოვაციური და იდეებით აღსავსე მოგზაურობაში.
SWATCH LIVE TIME WHITE
SO31W101
