SEIKO – ყოველთვის ერთი ნაბიჯით წინ!
SEIKO არის ცნობილი იაპონური საათების მწარმოებელი კომპანია, რომლის ისტორია 1881 წელს დაიწყო. ბრენდი დაარსდა ჯინტარო ჰატორის მიერ ტოკიოში. 1913 წელს SEIKO-მ პირველი მაჯის საათი შექმნა, რომელსაც “Laurel” შეარქვა, რამაც უზრუნველყო ბრენდის მაჯის საათების ინდუსტრიაში თავის დამკვიდრება.
SEIKO არის ბრენდი, რომელიც ქმნის მოდელებს ყველასთვის. საათები არის როგორც ახალგაზრდა თაობებისთვის, ასევე საქმიანი ადამიანებისთვის. აღსანიშნავია ის ფაქტი, რომ საფასო კატეგორიებიც მრავალფეროვანია, რაც შესაძლებლობას აძლევს ყველას იყოს მფლობელი იმ უნიკალური მოდელის, რომელიც გულით სურს.
საფასო კატეგორიების მრავალფეროვნების მიუხედავად ბრენდი ინარჩუნებს ხარისხს, რაც პირველ რიგში SEIKO-ს სახელიდანვე მოდის. SEIKO არის სიზუსტე, რომელსაც ბრენდი მრავალი წლის განმავლობაში ამტკიცებს. ბრენდის პორტფოლიოში შემავალი კოლექციების არჩევანი ფართოა, მოდელები არის როგორც კლასიკური, ასევე სპორტული, ახალგაზრდული, დაივინგისთვის თუ ლაშქრობისთვის განკუთვნილი. მათ შესაქმნელად კი თითოეული დეტალი თვით SEIKO-ს მიერ არის შექმნილი რაც ბრენდის კიდევ ერთი ნიშაა.
SEIKO-ს კოლექციების ჩამონათვალი არც ისე მცირეა, თუმცა გამორჩეული პოპულარობით სარგებლობს: Seiko 5, Presage, Prospex, Astron და Grand Seiko.
SEIKO-ს მიერ შექმნილმა მაჯის საათებმა მალევე მოიპოვა ცნობადობა, რისი კარგი მაგალითიცაა Freddie Mercury-ის პულსის გამზომი აპარატი, რომელიც წლების შემდეგ აუქციონზე 35560 ფუნტ სტერლინგად გაიყიდა. ლეგენდარული მომღერლის ბრენდისადმი ინტერესმა დადებითი როლი ითამაშა SEIKO-ს სამომავლო გეგმებზე და კიდევ უფრო პოპულარული გახადა რამაც სათანადო კონკურენციაში შეიყვანა ცნობილ შვეიცარიულ საათებთან.
მსოფლიო მომღერლის გარდა SEIKO-ს საათები ძალიან უყვარდა Steve Jobs-ს. ცნობილ ბიზნესმენს ეკეთა მინიმალისტური, კლასიკური შავ-თეთრი საათი ტყავის სამაჯურზე.
წლების შემდეგ კი SEIKO-მ საათის განახლება მოახდინა, წარმოადგინა ორი ერთნაირი მოდელი სხვადასხვა ფერში – მთლიანად შავი ტყავის შავ სამაჯურზე და თეთრი ციფერბლატის მქონე საათი შავ ტყავის სამაჯურზე. ორივე მოდელი გამოუშვა წარმოებაში ლიმიტირებული რაოდენობით. საათები რეალიზაციაში 2017 წელს შევიდა და თითოეული მოდელის უკან მომხმარებელი ხვდება გრავირების სახით რიცხვს, თუ მერამდენე მოდელის მფლობელი გახდა. შავი ფერის საათი გამოშვებული იქნა 300 ცალი, ხოლო თეთრი ფერის 1982 ცალი.
SEIKO-ს ბრენდის ისტორია საკმაოდ ვრცელია, მის მიერ მიღწეული შედეგები კი დიდი. SEIKO არის სწორედ ის ბრენდი, რომლის მიერ შექმნილი საათი პირველად გაუშვეს კოსმოსში 1969 წელს და რომელმაც შეძლო დარღვევების გარეშე მუშაობა.
SEIKO არის ის ბრენდი, რომელმაც იაპონიიდან შვეიცარიაში ჩაიტანა საათები “SWISS Chronometer Competition”-ზე და მოახერხა პირველი ადგილის მოპოვება. SEIKO არის ბრენდი, რომლის დაივინგისათვის განკუთვნილი თითოეული მოდელის შექმნაში მონაწილეობას იღებს “PADI” – Professional Association Of Diving Instructors. ეს არის მსოფლიოში ყველაზე დიდი ორგანიზაცია, რომელიც დაკავებულია დაივინგის სწავლებით. SEIKO კი დღემდე თანამშრომლობს მასთან და მისი დახმარებით ქმნის უნიკალურ საათებს დაივინგისთვის.
SEIKO არის ბრენდი, რომელსაც აქვს Solar და GPS მექანიზმზე მომუშავე მოდელები. ორი მექანიზმის შერწყმით მუშაობა საათს შესაძლებლობას აძლევს უწყვეტ დროის კონტროლს მანამ სანამ იარსებებს მზე. საათი იღებს ინფორმაციას კოსმოსში არსებული სატელიტიდან რაც იმას ნიშნავს, რომ მასზე უფრო სწორი დრო ფიზიკურად არ არსებობს, საათის დრო კი რა თქმა უნდა შეიცვლება იმ ქვეყნის სასაათო სარტყლის მიხედვით თუ სად არის ამჟამად. უნიკალურმა საათმა იცის ყველაფერი, თუ რომელი საათია, რომელი დღეა და მას არ სჭირდება კალენდრის ხელოვნურად ხელით გასწორება მაგალითად ნაკიანი წელიწადის დროს.
SEIKO არის ბრენდი, რომელიც ყოველთვის არის ერთი ნაბიჯით წინ და ინარჩუნებს წამყვან პოზიციებს საათების ინდუსტრიაში 1881 წლიდან!
