სიახლე, სიახლე

MAURICE LACROIX AIKON – ლეგენდა გრძელდება

Posted by

Arttime

On 02/09/2021

0 comments

Maurice Lacroix-ს ახალი AIKON-ის მაჯის საათი შეუდარებელი არჩევანია საათების მოყვარულთათვის

Maurice Lacroix-ს ლეგენდარული AIKON-ის მოდელები 2016 წელს გამოჩნდა.

მას შემდეგ ბრენდი მუდმივ რეჟიმში აგრძელებს მომხმარებელთა აზრის გათვალისწინებით საათების სრულყოფას. დღეს AIKON-ის კოლექციაში გვხვდება ფართო არჩევანი, როგორც ფერების ასევე ზომებისა და ფუნქციების მიხედვით. წარმატების მთავარი საიდუმლო არის მუდმივ მოძრაობაში ყოფნა და არასდროს გაჩერება. Maurice Lacroix ამ მოსაზრებას იზიარებს უამრავ სპორტის მოყვარულთან ერთად და მკაცრად მიყვება ამ იდეოლოგიას.

მოკლედ რომ ვთქვათ ეს შვეიცარიული ბრენდი არასდროს ჩერდება.

ახალი კოლექცია

Maurice Lacroix-ს AIKON-ის მოდელების წარმატების გათვალისწინებით, ბრენდმა გაზარდა თავისი პროდუქტების პორტფოლიო. მაგალითად, 39 მმ ციფერბლატის დიამეტრის მქონე მოდელებს ახლა დაემატა მწვანე ფერის ციფერბლატიც. ადრე ეს მხოლოდ 42 მმ ციფერბლატის დიამეტრიან მოდელებზე გვხვდებოდა. ანალოგიურად, ვარდისფერმა ციფერბლატმა იმდენად გაამართლა პატარა ზომის საათზე, რომ ახლა ის უფრო დიდი ზომის მოდელებსაც ამშვენებს.

AIKON-ის მოდელების განსაკუთრებული თვისება – მარტივად შეცვლადი სამაჯური – უკვე დიდი ხანია მომხმარებლების მოწონებას იმსახურებს.

ყველანაირი ხელსაწყოს გარეშე განწყობისა და სტილის მიხედვით შეიძლება მეტალის სამაჯურის ტყავის სამაჯურით ჩანაცვლება. FKM კაუჩუკისგან დამზადებული სამაჯურების ფართო არჩევანით ბრენდმა მრავალფეროვანი არჩევანი შემოგვთავაზა. კაუჩუკის ეს ნაირსახეობა არის ჩვეულებრივზე უფრო მოქნილი, რაც მეტ კომფორტს განაპირობებს მაჯაზე მორგებისას. FKM-ს ამასთანავე, ახასიათებს კიდევ უფრო კარგი წყალგაუმტარობა და ფერის მდგრადობა.

ახალ სამაჯურებში, შუა ზოლში გვხვდება “Clous de Paris” პრინტი, რომელიც იმეორებს ციფერბლატის მოტივს. AIKON-ის შუა ზოლს ორივე მხრიდან მომიჯნავედ მიუყვება კიდევ ორი ოდნავ ჩაღრმავებული ზოლი, რომელიც უერთდება კორპუსს სამაჯურის სამაგრთან. სამაჯურების ფერების ფართო არჩევანი იდეალურად უხდება ციფერბლატების ახალ, მრავალფეროვან ვარიანტებს. ყველა სამაჯურს ამშვენებს ბრენდის “M” ლოგო.

ახალ კოლექციაში ბრენდი პირველად გვთავაზობს მუქ ნაცრისფერ ციფერბლატს, როგორც 39 მმ, ასევე 42 მმ დიამეტრის მქონე AIKON-ის მოდელებში. ეს მოდელები ხელმისაწვდომია ასევე ახალი სილიკონის სამაჯურებით. რა თქმა უნდა, ახალი ფერის ციფერბლატის მოდელის შეძენა შესაძლებელია აგრეთვე ტყავის ან მეტალის სამაჯურზე. ამასთანავე, მათთვის ვისაც სურს კარგად შეიგრძნოს Maurice Lacroix-ს მრავალფეროვნება, საათს მოყვება დამატებითი სამაჯურების არჩევანი.

ეს სიახლეები კიდევ ერთხელ უსვამს ხაზს ბრენდის თანამედროვე დიზაინსა და უმაღლეს ხარისხს. Maurice Lacroix დღეს გვთავაზობს იმაზე მეტს, ვიდრე ოდესმე. დროა შეარჩიო შენი შესაფერისი AIKON-ი.

შენი დრო ახლაა.