ივნისის თვე კომპანია “ართთაიმმა” შვეიცარიულ ბრენდ Swatch-ს მიუძღვნა. ბრენდი, რომელიც ყველას უყვარს და რომელსაც არ ჰყავს კონკურენტი.
Swatch გამოირჩევა ინდივიდუალური ხასიათით, მრავალფეროვანი კოლექციებით და მუდმივი განვითარებით. წარმოუდგენელია, რომ ბრენდის ისტორიაში შეძლო და იპოვო ორი ერთმანეთის მსგავსი საათი. სწორედ ეს არის Swatch-ის წარმატების წინაპირობა რა თქმა უნდა მის მაღალ ხარისხთან ერთად.
კამპანიის ფარგლებში კომპანია “ართთაიმმა” ითანამშრომლა ერთ-ერთ ცნობილ პიანისტ გიორგი გიგაშვილთან (GIGASHA).
კამპანიის ფარგლებში პიანისტმა მოირგო რამოდენიმე მოდელი, თითოეული Swatch-ის სხვადასხვა კოლექციიდან არის ამოღებული.
პირველი მოდელი ბრენდის მოყვარულთათვის განსაკუთრებული კოლექციის წევრია. OMEGA X SWATCH-მა დიდი გამოხმაურება დაიმსახურა როგორც Swatch-ის ასევე Omega-ს ერთგულ მომხმარებელთა შორის.
ბრენდებმა დიზაინის ინსპირაცია არც მეტი არც ნაკლები კოსმოსიდან აიღეს. მათი შექმნილი 11 Swatch-ის საათი 11 ციური სხეულის სახელს ატარებს. კოლექციაში შევხვდებით როგორც მზის სისტემაში არსებული ყველაზე დიდი ვარსკვლავის – მზის საათს, ასევე ჯუჯა პლანეტის მოდელსაც.
გიორგი გიგაშვილმა მოირგო მერკურის მოდელი. მოდელი დამზადებულია სვოჩის უნიკალური, დაპატენტებული მასალისგან – BIOCERAMIC. მის შემადგენლობაში შედის ორი მესამედი კერამიკა და ერთი მესამედი ბიოპლასტიკი, რომელიც მიიღება აბუსალათინის ზეთისგან.
მეორე კოლექცია არანაკლები პოპულარობით სარგებლობს მომხმარებელთა შორის და განსაკუთრებული სიმპატიით გამოირჩევა ხელოვნების მოყვარულთათვის. კოლექციაში ვხვდებით მსოფლიო ხელოვნების ნიმუშებს, რომლებიც მაჯის საათებზეა გადმოტანილი. ბრენდის ერთ-ერთი მთავარი მიზანი იყო ხელოვნება მეტად ხელმისაწვდომი გაეხადა თითოეული ადამიანისთვის.
მორგებული მოდელი HOKUSAI-ის ნამუშევრის, THE GREAT WAVE OF KANAGAWA-ს პრინტით არის წარმოდგენილი. მოდელის სამაჯური სილიკონისაა, რაც საათს ყოველდღიურობაში მეტად კომფორტულს ხდის.
BIG BOLD-ის კოლექცია ერთ-ერთი ფავორიტია სპორტის მოყვარულთათვის. მოდელი გამოირჩევა სიმსუბუქითა და ციფერბლატის მრავალფუნქციურობით. კოლექციაში ვხვდებით არაერთ ფერთა გამას,როგორცაა შავი და ყვითელი, შავი და ლურჯი ან შავი და წითელი. არსებული კიდევ ერთხელ უსვამს ხაზს იმას, რომ Swatch-ისთვის მნიშვნელოვანია მომხმარებელთა გემოვნება და უბრალოდ შეუძლებელია ვერ იპოვო შენი ფავორიტი მოდელი.
და ბოლოს, ე.წ CORE კოლექციის საათი, კოლექცია წლების მანძილზე უცვლელი რჩება რადგან დიდი პოპულარობით სარგებლობს. არის სადა და განსხვავდება მხოლოდ ფერებით. გიგაშამ მოირგო ლურჯი ფერის მოდელი, იგივე მოდელს შეგვიძლია შევხვდეთ როგორც შავს, ასევე ვარდისფერს, მწვანეს და ა.შ.
SWATCH არის ბრენდი, რომელიც ორიენტირებულია განვითარებაზე, SWATCH არის ბრენდი, რომელიც აუცილებლად შეგაყვარებს თავს და ბოლოს, SWATCH არის ბრენდი, რომლის მსგავსი უბრალოდ არ არსებობს!
