FURLA - ახალი ბრენდი "ართთაიმში"

კომპანია “ართთაიმი” სიახლეებს არ ასრულებს და ბრენდების პორტფოლიოს რიცხვს კიდევ ერთი – FURLA დაემატა.

FURLA 2020 წლიდან წარმოადგენს TIMEX-ის ჯგუფის წევრს, რომელსაც გვერდს უმშვენებს ისეთი ბრენდები როგორიცაა SALVATORE FERRAGAMO, VERSACE და ა.შ.

იტალიური ბრენდი მრავალი წელია ქმნის ისეთ აქსესუარებს, რომლებიც ხელმისაწვდომია ფართო აუდიტორიისთვის. რაც მთავარია ეხმარება ერთგულ მომხმარებლებს გამოხატონ თავიანთი ინდივიდუალურობა და შეძლონ შეიგრძნონ უნიკალური იტალიური სურნელი. FURLA-ს მიერ შექმნილ აქსესუართა სიაში შეგვიძლია შევხვდეთ ფეხსაცმელს, ჩანთებს, სათვალეებს, შარფებს, სუნამოებს, საათებსა და სამკაულებს.

იმისათვის, რომ FURLA-ს კიდევ ერთხელ გაესვა ხაზი ხელმისაწვდომობის მნიშვნელობასა და მომხმარებელზე ორიენტულობაზე დაიწყო თანამშრომლობა არაკომერციულ ორგანიზაციებთან. ბრენდი მხარს უჭერს სხვადასხვა აქტივობას. ერთ-ერთი მუსიკაა, რითაც ცდილობს კიდევ უფრო განავითაროს ქალთა როლი ამ სფეროში. საკუთარ სარეკლამო კამპანიებში კი პრიორიტეტს ანიჭებს ნამდვილ მოცეკვავეებთან თანამშრომლობას. ეს კი უფრო ეხმარება მას გამოირჩეოდეს და მეტად დაუახლოვდეს ახალ თაობებს.

“ართთაიმის” მაღაზიათა ქსელმა ქართველი მომხმარებლისთვის ხელმისაწვდომი გახადა ბრენდის მიერ შექმნილი უნიკალური საათებისა და სამკაულების ფართო კოლექციები. თითოეული მოდელი გამოირჩევა თანამედროვე დიზაინითა და ავთენტურობით. სამკაულების უმრავლესობა კი გაფორმებულია დახვეწილი დეტალებით. არსებული არ აკარგვინებს მათ მინიმალიზმისა და ნამდვილი იტალიური მოდის იერს.

საათების უმრავლესობაში ვხვდებით გამჭვირვალე დამცავ საფარს, რომელიც იცავს საათის “სახეს” და დამზადებულია მინერალური მინისგან. წვრილად დამუშავებული ციფერბლატები გამდიდრებულია სხვადასხვა პროცესებით. ესენია: GUILLOCHE – დეკორატიული გრავიურის ტექნიკა. ამ შემთხვევაში დიზაინი მექანიკურად არის ამოტვიფრული. SUNRAY – ციფერბლატის დეკორატიული ზედაპირის დამუშავება სწორი ხაზებით ცენტრიდან, რომელიც მზის სხივებს ჰგავს.

FURLA-ს ერთ-ერთი მთავარი ნიშა ნამდვილი იტალიური ტყავია. მან კი რა თქმა უნდა საათების კოლექციებსაც ვერ აუვლო გვერდი და დაამშვენა ისინი. ის დამზადებულია იტალიაში და იცავს მკაცრ კოდებს, რათა მინიმუმამდე დაიყვანოს მისი წარმოების გავლენა გარემოზე.

ბრენდი ხშირად იყენებს სერტიფიცირებულ ევროპულ კრისტალებს, რომელთა სიკაშკაშე უბრალოდ წარმოუდგენელია. კრისტალები გამოიყენება როგორც საათების ასევე სამკაულების შემთხვევაში. სამკაულები დამზადებულია უჟანგავი ფოლადისგან და არის ჰიპოალერგიული.