Frederique Constant X ლიკა ევგენიძე – დრო საუკეთესო საჩუქარია!
წლის ყველაზე ჯადოსნური, ბედნიერებით აღსავსე და ოჯახური სეზონი უკვე აქ არის. სახლში გატარებული თითოეული წამი კი ყველაზე ღირებული. გამორჩეული პერიოდის აღსანიშნავად კომპანია “ართთაიმმა” წარმოადგინა საახალწლო კამპანია “დრო საუკეთესო საჩუქარია”, რომელიც ხაზს უსვამს ახალი წლის პერიოდის ყველაზე მნიშვნელოვან მომენტებს, რომელთა გატარება ჩვენს ცხოვრებაში არსებულ ყველაზე ახლო ადამიანებთან ასოცირდება. კამპანიის ფარგლებში კომპანიამ გამოარჩია შვეიცარიული ბრენდი – Frederique Constant-ი, რომელიც მრავალი წელია ელეგანტურობის, სრულყოფილების და ნამდვილი იდეალის საუკეთესო მაგალითად ითვლება.
Frederique Constant-ი არის ბრენდი, რომლის ერთხელ მორგება მასთან მიჯაჭვულობას იწვევს და ცხოვრების ბოლომდე მის ერთგულად გტოვებს, რადგან მის მიერ შექმნილი მოდელები უძლებენ დროს!
Frederique Constant-ი შვეიცარიული საათების კომპანია, დაფუძნებულია ჟენევაში. 1988 წელს კომპანია დააფუძნეს ალეტა და პიტერ სტარსმა. მათი მიზანი იყო შვეიცარიული საათების ფუფუნების ფართო საზოგადოებისთვის მიწოდება მისაღებ ფასად.
Frederique Constant-ი თავის საწარმოში ქმნის, ანვითარებს, აწყობს და აკონტროლებს მექანიკური, კვარცული და ავტომატური საათების ფართო არჩევანს.
ბრენდების მიერ შექმნილი თითოეული საათი იმდენად დახვეწილია, რომ პირველივე ნახვით აყვარებს თავს თავის მომავალ მეპატრონეს და საახალწლო პერიოდის თითოეულ წამს განსაკუთრებულს ხდის. Frederique Constant-ის სიდიადის კიდევ ერთხელ ხაზგასასმელად კომპანია “ართთაიმმა” მას საახალწლო კამპანია მიუძღვნა, რომლის ფარგლებშიც ითანამშრომლა ლიკა ევგენიძესთან. ლიკა ევგენიძე ცნობილი ტელეწამყვანია, რომელიც წლების განმავლობაში მსოფლიოში არსებულ არაერთ გამორჩეულ ბრენდთან თანამშრომლობს. ლიკას კლასიკურმა და დახვეწილმა სტილმა კი შეუცვლელი მოდელები კიდევ ერთხელ გააცოცხლა. ლიკამ მოირგო რამდენიმე ყველაზე მოთხოვნადი საათი, რომელთა ვიზუალი ერთმანეთისგან განსხვავებულია, ხარისხი და მოლოდინი კი ერთნაირად მაღალი და ამაღელვებელი.
არჩეულ მოდელებს შორის ვხვდებით როგორც ოქროსფერ და ვერცხლისფერ ფერთა კომბინაციას ასევე ცალ-ცალკე შექმნილ მშვენიერებებს. აღსანიშნავია, რომ საათები წარმოდგენილია როგორც მეტალის ასევე ტყავის სამაჯურზე. თითოეული მათგანი კი აუცილებლად დაიმსახურებს ყურადღების ცენტრში ყოფნას.
ლიკა ევგენიძის ფავორიტ საათებს შორის ბრილიანტებით გაწყობილ მოდელს ვხვდებით. საათს ციფერბლატზე წარმოდგენილია მექანიზმის დეტალებიც, რომლებიც კიდევ ერთხელ უსვამენ ხაზს Frederique Constant-ის გამორჩეულობას. ბრენდი ახერხებს გააერთიანოს კლასიკა, სიმდიდრე და გამჭვირვალე მექანიზმი, რაც მოდელების მეპატრონეს კიდევ უფრო აახლოებს თავის ყოველდღიურ თანამგზავრთან. საათის დახვეწილი სტილი შესაფერისია როგორც სამუშაო დღეებისთვის, ასევე წვეულებებისთვის, რაც მოდელის არჩევის დროს ხშირ შემთხვევაში გადამწყვეტ ფაქტორს წარმოადგენს. არ შეუშინდე გამოწვევებს, აჩუქე შენთვის ყველაზე მნიშვნელოვან ადამიანს დაუვიწყარი მომენტები! ამაში კი კომპანია “ართთაიმი” და Frederique Constant-ის ბრენდი დაგეხმარება.
დღეს Frederique Constant-ის ბრენდი წარმოდგენილია მსოფლიოს 120 ქვეყანაში და დაახლოებით 3000 მაღაზიაში. ბრენდი ყოველწლიურად ახარებს ერთგულ მომხმარებლებს განახლებული კოლექციებითა თუ მოდელებით. კომპანია “ართთაიმი” კი ამაყად უკვე მერამდენე წელია Frederique Constant-ის ოფიციალური წარმომადგენელია საქართველოში და ბერ სიახლეს პირდება ქართველ მომხმარებლებს!
