TIME FOR SWATCH TO MAKE MORE BOLD MOVES

Posted by

Arttime

On 17/07/2023

SWATCH-ის 2023 წლის ერთ-ერთ მთავარ კოლექციას წარმოადგენს BIG BOLD IRONY. კოლექცია შექმნილია მათთვის, ვინც მიისწრაფვის იყოს განსხვავებული, ვისაც უყვარს სითამამე და მოულოდნელობებით სავსე ცხოვრება!

BIG BOLD IRONY წარმოადგენს 2019 წელს შექმნილი პირველი big bold-ის კოლექციის ნამდვილ აღზევებას. BIG BOLD IRONY არის პირველი კოლექცია რომელშიც ვხვდებით როგორც ბიოკერამიკის მასალას ასევე უჟანგავი ფოლადის დეტალებს, რაც თითოეულ მოდელს კიდევ უფრო განსხვავებულს და ინოვაციურს ხდის.

განახლებულ კოლექციაში ვხვდებით ხუთ თავდაჯერებულ მოდელს, ხუთ სხვადასხვა ფერს და ხუთ ერთმანეთისგან განსხვავებული ხასიათის მატარებელ საათს.

DARK IRONY

მინიმალიზმის მოყვარულთათვის საუკეთესო ალტერნატივაა. მოდელი არის მთლიანად შავი ფერის და მხოლოდ უჟანგავი ფოლადის ერთი დეტალი აქვს დატანილი ციფერბლატის გარშემო. საათზე ვხვდებით გამჭვირვალე ციფერბლატს, რომელიც მკაფიოდ გვანახებს მექანიზმის მუშაობის სრულ რუტინას. ციფერბლატის გარშემო არსებული ინდექსები და საათის მანიშნებელი ისრები კი ნებისმიერ ბნელ ღამეს თამამად გაანათებს!

RED JUICY

ნამდვილი წითელი ბედნიერების განმსაზღვრელია! ბიოკერამიკის მასალისგან შექმნილი სამაჯური ამ ფერის შემთხვევაში გვხვდება შავსა და წითელ დეტალებში. ორი წვრილი ხაზი და საათის ციფერბლატი თითქოს ერთ მთლიანობას კრავს. RED JUICY-ის ციფერბლატზე ასევე ვხვდებით გამჭვირვალე მექანიზმსა და ნეონის დეტალებს თუმცა უკვე მკაფიო წითელ ფერებში.

MINT TRIM

კოლექციის ერთ-ერთი ყველაზე იშვიათი და განსხვავებული ფერის მოდელია, რადგან ის არის ნამდვილი ფირუზისფერი! ციფერბლატის გარშემო გარშემორტყმული უჟანგავი ფოლადის დეტალი კი შეუდარებელ სინთეზს ქმნის ბიოკერამიკის სამაჯურთან და განჭვირვალე შუაგულთან.

AZURE BLUE DAZE

კლასიკური და ყველასთვის საყვარელი ლურჯი სეზონის ნებისმიერ დროს უხდება. ზაფხულში ფერი გვახსენებს ზღვასა და თბილ ცისფერ ცას, რომელიც სინთეზში შედის მზის მკაფიო სხივებთან, რხოლო ზამთარში თეთრ და ცივ თოვლს.

ბიოკერამიკული სამაჯურის გარშემო ამ საათის შემთხვევაშიც ვხვდებით წვრილ შავ ზოლებს, რომლებიც საათს აერთიანებენ ერთ მთლიანობად. ციფერბლატის შიგნით კი გამჭვირვალე მექანიზმის და ნეონის ინდექსებს.

BOLDER YELLOW

მზისფერი ნეტარება! მოდელი, რომელიც შექმნილია მზის ადამიანებისთვის. შავის, ყვითლის და უჟანგავი ფოლადის ერთმანეთთან შეხამება კოლექციის ბოლო, მეხუთე მოდელია, რომელიც ოთხის ანალოგს წარმოადგენს და მხოლოდ ფერით განსხვავდება.

BIG BOLD IRONY არის ურბანული სტილის ერთ-ერთი საუკეთესო მაგალითი. მოდელების სიმსუბუქე მიუხედავად ერთი შეხედვით მასიური და უხეში ვიზუალისა საათს წარმოუდგენელ კომფორტს სძენს. დაუჯერებელია, მაგრამ ისინი მხოლოდ 108 გრამს იწონიან.

თითოეული მოდელის გამჭვირვალე ციფერბლატი საათს მფლობელისთვის მეტად ამაღელვებელს ხდის, რადგან დროის სრული მექანიზმი მხოლოდ მის განკარგულებაშია.

საათი უბრალოდ წარმოუდგენელია შეუმჩვენეველი დარჩეს დღის რომელის მონაკვეთში, რაზეც ბრენდმა ბევრი მსჯელობის შემდეგ ნეონის დეტალების დამატებით გადაწყვიტა, რომლებიც BIG BOLD IRONY-ს ყოველთვის თვალშესაცემს ხდის.

ხუთი საოცარი ფერი და ხუთი ყველაზე მოთხოვნადი 2023 წლის მოდელი! SWATCH არის ინოვატორი ბრენდი, რომელიც ნამდვილ სიყვარულს გავს. SWATCH არის ბრენდი, რომელიც შემოგთავაზებს ბუნებაში არსებული ნებისმიერი ფერების და დიზაინის მოდელებს, რომელთა თავიდან ამოგდებას უბრალოდ ვერ შეძლებ.