SWATCH BREAK FREE – მუსიკა, ხელოვნება, ცეკვა და თავისუფლება!

შვეიცარიული ბრენდი Swatch არ ტოვებს სეზონს ისე, რომ არ გააოცოს თავისი ერთგული მომხმარებელი გამორჩეული მოდელებით. 2024 წლის შემოდგომის ერთ-ერთ მასშტაბურ კოლექციას BREAK FREE წარმოადგენს.

1983 წელს Swatch-მა დაიწყო საათების რევოლუცია, რომელიც დღეის ჩათვლით გრძელდება. ბრენდი გამუდმებით ქმნის მხიარულ, ინოვაციურ, პოზიტიურ და სიხარულის მომღვრელ მოდელებს.

Break Free-ს კოლექცია სათავეს იღებს 1984 წლის 20 სექტემბრიდან, როდესაც Swatch-მა უმასპინძლა მსოფლიო ჩემპიონატს ბრეიქდანსში, ნიუ-იორკში. ეს იყო ერთ-ერთი ჯადოსნური მომენტი ქუჩის კულტურისთვის, რადგან ბრეიქდანსში გაერთიანებულია სპორტი, ხელოვნება, მუსიკა და შემდეგ უკვე Swatch-ის DNM-ის ნაწილიც.

Roxy-ის სასტუმროში ჩატარებულმა ღონისძიებამ მკაფიოდ აჩვენა თუ რა შეიძლება მოხდეს იმ შემთხვევაში თუ ადამიანებს მისცემენ დროს, სივრცეს და თავისუფლებას რათა გამოხატონ საკუთარი თავი. ღონისძიებაზე სუფევდა მხოლოდ კრეატიულობა და ბედნიერების ნამდვილი აღქმა.

ჩემპიონატის გამოცხადება ისეთივე თავისუფალი, მარტივი და ორგანული იყო როგორც მთელი მისი ხანგრძლიობა. ქალაქის ქუჩებში გამოჩნდა პლაკატები, რომლებზეც იყო აღნიშნული ინფორმაცია შეჯიბრების შესახებ. პლაკატების დიზაინი კი შექმნა ქუჩის მხატვარმა Keith Haring-მა, ექსკლუზიურად Swatch-სთვის. Keith Haring-ის ჩემპიონატისადმი ინტერესი იმდენად დიდი იყო, რომ საბოლოოდ მან ერთ-ერთი ჟიურის წევრის ადგილიც დაიკავა და მიიღო მონაწილეობა კენჭისყრაში, რომელმაც გადაწყვიტა თუ ვის ერგებოდა Swatch-ის უნიკალური საათი.

Swatch-მა მისცა ადამიანებს შესაძლებლობა გამოეხატათ საკუთარი თავი, განთავისუფლებულიყვნენ კომპლექსებისგან და უბრალოდ ეგრძნოთ თავი ბედნიერად. 2024 წლის შემოდგომაზე ბრენდმა გადაწყვიტა შეექმნა BREAK FREE-ს კოლექცია, რომელმაც გააერთიანა წარსული, აწმყო, მომავალი, სპორტი, ხელოვნება, მუსიკა და ის სივრცე, რომელშიც მისი თითოეული მომხმარებელი თავს თავისუფლად იგრძნობს.

BREAK FREE-ს კოლექციაში წარმოდგენილია ლეგენდარული What IF-ის მოდელებისგან გადაკეთებული საათები. თითოეული მათგანი შექმნილია ბიოკერამინისგან, აქვთ კვადრატული კორპუსი და იდეალური ჩარჩოს დიზაინი. თანამედროვე მასალები კი უზრუნველყოფენ სიმსუბუქეს, წყალგამძლეობას, სიგლუვესა და კომფორტს. განსხვავებით What IF-ის კლასიკური კოლექციისა, BREAK FREE-ს ელემენტის ხუფებზე ვხვდებით ლეგენდარული Keith Haring-ის მიერ დახატულ Swatch-ის ლოგოს, რომელიც მან 1984 წელს ექსკლუზიურად ჩემპიონატისთვის შექმნა.

BREAK FREE-ს კოლექციაში გაერთიანებულია სამი ერთმანეთისგან განსხვავებული მოდელი და მეოთხე, რომელშიც სრულად არის ასახული Keith Haring-ის პოსტერი. ამ საათის სახელწოდებაც სწორედ აქედან მიმდინარეობს „From the archive”, საათის ციფერბლატზე წარმოდგენილნი არიან მოცეკვავე კაცუნები სხვადასხვა პოზაში, რაც ბრეიქდანსის ერთ-ერთ სიმბოლოზე მიგვანიშნებს. საათის ცენტრში კი ხელოვანის ავტოგრაფს ვხვდებით. საათს კრავს და ერთ მთლიანობად აქცევს თეთრი, თითქმის გამჭვირვალე სამაჯური და მინიმალისტური დიზაინი, რომლის დახმარებით სადა და გამორჩეული ნამუშევარი ყურადღებას უდაოდ იპყრობს.

კოლექციის პირველი წევრი არის Breaks OFF-ის მოდელი, რომელიც მკაფიო ფერებშია წარმოდგენილი. თითქმის ნეონისფერი მწვანე ასე წარმოუდგენლად ჯერ არასდროს უხდებოდა ვარდისფერსა და სტაფილოსფერს. საათის ციფერბლატში წარმოდგენილი ილუსტრაცია იდენტურად არის გადმოტანილი Keith Haring-ის პოსტერიდან, რომელიც მან შექმნა ბრეიქდანსის ჩემპიონატის ფარგლებში Swatch-სთვის. საათის ციფერბლატის მთავარი გმირი ამჯერადაც მოცეკვცავე კაცუნაა, რომლის თავის ნაცვლად არის წარმოდგენილი კიდევ ერთი პატარა საათი, ის კი თავის მეპატრონეს ყოველთვის მომღიმარ და ბედნიერების მომნიჭებელ დროს ანახებს.

Break LOOSE არის კოლექციის მეორე საპატიო წევრი, რომელიც ამ შემთხვევაში უკვე სადა შავ-თეთრ ფერებშია წარმოდგენილი. ბრენდმა გაითვალისწინა თითოეული მომხმარებლის ინტერესი თუ გემოვნება და შექმნა მინიმალიზმის მოყვარულთათვის განკუთვნილი საათიც, რომელიც ასახავს ორიგინალი პოსტერის მონოქრომულ ვარიანტს.

კოლექციის ბოლო და ერთ-ერთი ყველაზე შთამბეჭდავი მოდელი Break TIME-ია. მისი სახელწოდებიდან გამომდინარეც კი საათი დროის აღქმნის კანონებს არღვევს და მიუთითებს იმაზე, რომ დრო მხოლოდ თქვენს ხელშია და მხოლოდ თქვენ შეგიძლიათ მისი კონტროლი. ეს მოდელი არის ყველაზე კარგი მაგალითი იმისა, თუ რა ხდებოდა და რა თავისუფლება იყო Swatch-ის მიერ დაორგანიზებულ ბრეიქდანსის ჩემპიონატზე, თუმცა ასევე აღსანიშნავია, რომ სწორედ ეს მოდელი არის გამარჯვებულისთვის გადაცემული ორიგინალი საათის განახლებული ვერსია.

1984 წელს Swatch-მა მოახდინა რევოლუცია საათების წარმოების ინდუსტრიაში. გააერთიანა მუსიკის ცოცხალი სამყარო, ხელოვნების ნათელი ფერები, სპორტისგან მიღებული ადრენალინის შეგრძნება ერთ წარმოუდგენელ მოვლენაში სახელწოდებით – Swatch World Breakdancing Championship. Swatch-ის ბრენდი გახდა ის გადამწყვეტი ფიგურანტი, რომელმაც მოახდინა ქუჩის კულტურის ათვისება და დაანახა საზოგადოებას მისი სილამაზე და მნიშვნელობა Keith Haring-თან ერთად.

40 წლის შემდეგ კი Swatch-მა წარსულში დაბრუნება გადაწყვიტა და იმ ერთ-ერთი მნიშვნელოვანი ღონისძიებისადმი კოლექციის მიძღვნა, რომელმაც თავის დროზე ფურორი მოახდინა. აღსანიშნავია, რომ მოდელების შეძენა შესაძლებელია თბილისში, ტრადიციულად ართთაიმის მაღაზიათა ქსელში როგორც ონლაინ ასევე ფიზიკურ მაღაზიებში.