MOONSWATCH MISSION ON EARTH – ახალი საოცრება საათების ინდუსტრიაში
ლეგენდარული Swatch Omega-სთან ერთად MoonSwatch-ის ახალ კოლექციას წარმოგვიდგენს. კოლექციაში გაერთიანებულია სამი საათი – MISSION ON EARTH – LAVA, MISSION ON EARTH – POLAR LIGHTS და MISSION ON EARTH – DESERT. თითოეული მოდელი ზუსტად აღბეჭდავს კოსმოსიდან დანახულ საოცრებებს!
მთელი ისტორიის მანძილზე ხალხს აინტერესებდა თუ როგორ გამოიყურებოდა სამყარო ზემოდან, იქიდან, საიდანაც ყველაფერი ძალიან პატარა, განსხვავებული და თვალისმომჭრელია. აბსოლუტურად ყველა ასტრონაფტმა, რომელიც ოდესმე ყოფილა კოსმოსში თქმა, რომ ყველაზე ლამაზი სანახაობა რაც კი ოდესმე უნახავთ იყო ლურჯი პლანეტა. “When I first looked back at the Earth, standing on the moon, I cried,” – თქვა 1961 წელს ალან შეპარტმა, რომელიც გახდა პირველი ამერიკელი, რომელმაც იმოგზაურა კოსმოსში და 1971 წელს გახდა მეხუთე ადამიანი, რომელმაც გაიარა მთვარეზე.
სამი ახალი ლიმიტირებული გამოშვების მოდელის იდეალურად შესაქმნელად და მაქსიმალურად ზუსტად თითოეული დეტალის გადმოსაცემად Swatch-მა შეიმუშავა სამი სრულიად ახალი ფერი Bioceramic-ში. დაგვეთანხმებით, რომ MoonSwatch-ის ახალი მოდელები უდაოდ 2024 წლის გამორჩეული საათებია.
MISSION ON EARTH – LAVA
კოლექციის პირველი მოდელი წარმოდგენილია განსაკუთრებულ ნარინჯისფერ ფერში, რომელიც შთაგონებულია დედამიწაზე არსებული ვულკანებით, ლავის ფერით, ფერფლით, შიშით და სილამაზით. ლავა საშიშიც და მიმზიდველიცაა, დღეს მსოფლიოში დაახლოებით 1670 აქტიური ვულკანია გამოვლენილი, მათგან დაახლოებით 60-ის ყოველწლიურად ამოფრქვევა ხდება წყალქვეშა ვულკანების ჩათვლით. MISSION ON EARTH – LAVA-ს მოდელი ასევე წარმოადგენს OMEGA-ს 1968 წელს შექმნილ Speedmaster Moonwatch-ის მოდელს – “Ultraman,” თავისი ცნობილი ნარინჯისფერი დეტალებით ქრონოგრაფზე.
MISSION ON EARTH – POLAR LIGHTS
კოლექციის მეორე მოდელი ამ შემთხვევაში პატივს სცემს და აღაფრთხოვანებს Aurora Borealis-ს. კოსმოსიდან ხილული მშვენიერება თვალწარმტაცია და ღამის ცაზე ფერადი “ფარდების” ვიზუალს ქმნის ძირითად შემთხვევაში მწვანე და ლურჯ ფერებში. სწორედ ეს არის მიზეზი თუ რატომ დომინირებს MISSION ON EARTH – POLAR LIGHTS-ის საათში ფირუზისფერი. ციფერბლატის შიგნით ვხვდებით სხვადასხვა ფერის მინიატურულ ვარსკვლავებს, რაც კიდევ ერთხელ გვაძლევს შესაძლებლობას შევიგრძნოთ მსოფლიოს გამორჩეული სილამაზე უფრო ახლოს. თითოეული მოდელის ციფერბლატზე ვარსკვლავების განლაგება განსხვავებულია, რაც უსვამს ხაზს თითოეული მოდელის უნიკალურობას. საათზე წარმოდგენილი ციფრები და ინდექსები კი Omega Speedmaster Alaska II და III-ის პროექტით არის შთაგონებული.
MISSION ON EARTH – DESERT
კოლექციის მესამე მოდელი უდაბნოებს ეძღვნება, რომლებიც დედამიწის ხმელეთის მეხუთედ ნაწილზე მეტ ადგილს იკავებენ. საათის კორპუსი ქვიშის ფერშია წარმოდგენილი, ხოლო სამაჯური ნაცრისფერში რაც შესაძლებლობას გვაძლევს უკეთ აღვიქვათ ქვიშის უზარმაზარი სივრცეები. ყველაზე დიდი უდაბნო მსოფლიოში, საჰარა, ჩრდილოეთ აფრიკაშია და 9კმ²-ზე მეტს იკავებს, მისი კლიმატი ძალიან მშრალია, ტემპერატურა კი იმდენად მაღალი, რომ შესაძლოა 50°C-საც მიაღწიოს დღისით, თუმცა ღამით, მშრალი, უცხელესი უდაბნო საოცარი სიცივის მატარებელი ხდება!
უნიკალური Bioceramic MoonSwatch MISSION ON EARTH-ის სამივე საათს ხუფზე წარმოდგენილი აქვს დედამიწა, SWATCH X OMEGA-ს ლოგოები, რეგულირებადი VELCRO-ს სამაჯური, რომელიც იდეალური გადაწყვეტილებაა კოსმოსური თავგადასავლებისთვის.
თითოეული მოდელის ინდექსები დაფარული Super-Luminova-ს მასალით, რათა დროის კონტროლი სიბნელეშიც უფრო მარტივი იყოს. მოდელების შექმნისას კი გათვალისწინებული იყო Omega Speedmaster Moonwatch-ის ძირითადი მახასიათებლები.
MISSION ON EARTH – LAVA, POLAR LIGHTS და DESERT-ის საათები დამზადებულია Swatch-ის უნიკალური, დაპატენტებული მასალისგან – BIOCERAMIC. მის შემადგენლობაში შედის ორი მესამედი კერამიკა და ერთი მესამედი ბიოპლასტიკი, რომელიც მიიღება აბუსალათინის ზეთისგან.
სამი ახალი BIOCERAMIC MOONSWATCH MISSION ON EARTH-ის საათი ხელმისაწვდომი გახდება ერთგული მომხმარებლებისთვის 15 ივნისიდან, მხოლოდ SWATCH-ის შერჩეულ მაღაზიებში მთელი მსოფლიოს მასშტაბით. ჩვენ კი გელოდებით 15 ივნისს გმირთა მოედანზე, კოსტავას 63-ში SWATCH-ის ოფიციალურ მაღაზიაში. გაითვალისწინეთ, რომ მოდელები შეზღუდული რაოდენობითაა წარმოდგენილი, მათი სილამაზე კი იმდენად მომაჯადოებელია, რომ მაღაზიის დატოვება ახალი შენაძენის გარეშე უდაოდ გაგიჭირდებათ!
