LONGINES LEGEND DIVER – ელეგანტურობის ახალი ერა მყვინთავებისთვის!
კლასიკური ბრენდი Longines დაარსებისთანავე დიდი პოპულარობით სარგებლობდა მომხმარებელთა შორის. შვეიცარიული ბრენდის ერთ-ერთი მთავარი მანიშნებელი არის ელეგანტურობა, რომელსაც ის თითოეული მოდელის დაანონსებისას იყენებს „Elegance is an Attitude”. პირველი საათი მყვინთავებისთვის Longines-მა 1959 წელს დააანონსა, ეს იყო Super Compressor Diver ref 7042. სწორედ ამ მოდელით დაიწყო Diver საათების ეპოქა Longines-ის ბრენდისთვის. წლებთან ერთად ბრენდის მიერ შექმნილი კოლექცია ვითარდებოდა, იცვლებოდა, როგორც ვიზუალი ასევე ფუნქციები თუ დიამეტრის ზომა, მაგრამ ერთი რაც ყოველთვის შეუცვლელი რჩებოდა იყო ვინტაჟური ხასიათი..
ყველაზე დიდი ფურორი Legend Diver-ის კოლექციამ 2023 წელს მოახდინა, როდესაც Longines-მა კიდევ ერთხელ განაახლა საათები და ამჯერად 39mm დიამეტრის ციფერბალტის მქონე მოდელები წარმოგვიდგინა. სწორედ ეს საათები გახდა ის, რომლებმაც დაიმსახურეს განსაკუთრებული სიმპათია.
Longines არის ბრენდი, რომელმაც დაამსხვრია სტერეორიპები, რომ თითქოს დაივინგისთვის შექმნილი საათები აუცილებლად უნდა იყოს მასიური, უხეში და სპორტული ვიზუალის. Legend Diver-ის კოლექციის დახმარებით კიდევ ერთხელ მიხვდებით, რომ ეს ასე სულაც არ არის. Longines ყოველთვის იყო და რჩება კლასიკური საათების გამორჩეულ შემქმნელად.
2023 წელს გამოშვებული Legend Diver 39mm-ში არის იდეალური საათი ყვინთაობის მოყვარულთათვის. საათის გაპრიალებული კორპუსი, მეტალის საოცარი სამაჯური და ულამაზესი ციფერბლატი არის საუკეთესო გადაწყვეტილება როგორც საათის ყოველდღიური ტარებისთვის ასევე მისი პროფესიონალური გამოყენებისთვის.
Longines Legend Diver-ის გამორჩეული მოდელები წარმოდგენილია 5 ფერში. კლასიკური შავი, გასაოცარი მწვანე, სულისშემძვრელი ლურჯი, საინტერესო ყავისფერი და თვალშესაცემი ნაცრისფერი.
თითოეული საათის სამაჯური მეტალისგანაა დამზადებული, მოდელების კორპუსზე კი წარმოდგენილია ინფორმაცია ოფიციალური სერტიფიცირების, შვეიცარიული ხარისხისა და ასევე ინფორმაცია 300 მეტრი წყალგაუმტარობის შესახებ.
გიზიარებთ მცირე ინფორმაციას წყალგაუმტარობის შესახებ
საათი წყალგაუმტარია თავისთავად არ ნიშნავს იმას, რომ შეიძლება მაჯაზე მორგებული საათით ცურვა. ყურადსაღებია, რომ მარილიანმა ან ქლორიანმა წყალმა შეიძლება ცუდი ზეგავლენა იქონიოს PVD დაფარვის მქონე საათებზე. ამიტომ შესაბამისი წყალგაუმტარობის მაჩვენებლის მქონე საათებით აუზში ან ზღვაში ცურვის შემდეგ აუცილებელია გამდინარე წყალი გადაავლოთ საათს. ასევე ძალიან მნიშვნელოვანია წყალთან ზემოქმედებამდე საათის საქოქი იყოს ჩაწეული. თუმცა, ზოგადად წყალგაუმტარობა იზომება ბარებში და თითოეულ ნიშნულს თავისი ახსნა აქვს:
3 BAR – შეიძლება ხელების დაბანა, წვიმაში მოხვედრა;
5 BAR – შხაპის მიღება, ხანმოკლე დასველება გამდინარე წყალში;
10 BAR – ცურვა;
20 BAR – ცურვა, სხვადასხვა წყლის სპორტი, სამოყვარულო დაივინგი;
30-50 BAR – სკუბა დაივინგი;
100 BAR – პროფესიონალური დაივინგი
გარდა გასაოცარი ვიზუალისა და მაღალი წყალგაუმტარობის ქონისა Longines Legend Diver-ის მოდელებს ერთ-ერთი უდავოდ გამორჩეული და საინტერესო დეტალი ახასიათებთ, რომელიც Legend Diver-ის თითოეული მოდელის ხუფზე შეგვიძლია ვნახოთ. მათზე არის აღბეჭდილი მყვინთავის პატარა ფიგურა, რაც ერთი მხრივ კიდევ ერთი მიმანიშნებელია საათის ფუნქციონირების შესახებ და ასევე ემოციური დატვირთვის მატარებელია.
რაც შეეხება Longines Diver Legend-ის მექანიზმის შესახებ ინფორმაციას, საათები არის ავტომატური მექანიზმის – ETA – L888.6, მათ ახასიათებთ 72 საათიანი ენერგიის რეზერვი. თითოეული მოდელს აქვს COSC სერტიფიცირება. COSC – Controle Officiel Suisse Des Chronometres, ორგანიზაცია, რომელიც უზრუნველყოფს ქრონომეტრის ტესტირებას ძვირადღირებულ საათებში და მათ მიერ მოწოდებული სერტიფიკატი ბრენდისთვის გულისხმობს ერთგვარ თანხობას მოდელის რეალიზაციის დასაწყებათ, სრული გამართულობა და მოდელის ფუნქციების გამოყენების თავისუფლებას რისკის გარეშე. გარდა აუცილებელი COSC-ის ორგანიზაციის სერტიფიკატისა, Longines Legend Diver-ის მოდელები ფლობენ ISO 6425-ს, ამ შემთხვევაში უკვე ხდება საათის გატესტვა დაივინგისთვის. საათი უნდა უძლებდეს მინიმუმ 100 მეტრ სიღრმეს და ზუსტად ბეჭდავდეს დროს ამ სერტიფიკატის ასაღებად.
დაგვეთანხმებით, რომ Longines-ის ბრენდი ამართლებს თავის წინასიტყვაობას „Elegance in as Attitude” და მის მიერ შექმნილი თითოეული მოდელი მართლაც, რომ უნიკალურია და ორიენტირებულია ელეგანტურობაზე მიუხედავად ფუნქციური დატვირთვისა. Longines-ის ლეგენდარული, კლასიკური და გამორჩეული Legend Diver-ის მოდელები წარმოდგენილია ართთაიმის მაღაზიათა ქსელში, როგორც ონლაინ ასევე ფიზიკურ მაღაზიებში ლიმიტირებული რაოდენობით. მოასწარით შეიძინოთ საათი, რომელიც თქვენი კომპანიონი გახდება როგორც ყოველდღიურ დღეს ასევე დაივინგისას უშიშრად, რისკების გარეშე.
