BLANCPAIN X SWATCH

BIOCERAMIC SCUBA FIFTY FATHOMS COLLECTION

Blancpain გამორჩეული შვეიცარიული საათების ბრენდია, რომელმაც ზუსტად 70 წლის წინ შექმნა “FIFTY FATHOMS”-ის კოლექცია. ის გახდა პირველი განსაკუთრებული აღმოჩენა მყვინთავებისთვის. მის შექმნაში მყვინთავები იყვნენ ჩართულნი. გრანდიოზულმა კოლექციამ შეძლო დაეკმაყოფილებინა დაივინგისთვის საჭირო ყველა დეტალი და სწორედ ასე, 1953 წელს მომხმარებელს მიეცა შესაძლებლობა შეეძინა პირველი დაივინგის საათი.

Blancpain 70 წლის განმავლობაში იკვლევდა ცივ, ბობოქარ და ბნელ ოკეანეებს. კვლევების შედეგად კი აღმოჩენილ იქნა არაერთი საინტერესო ფერადი ცხოველი, რომლებიც “NUDIBRACH’-ების (ნუდიბრანჩები) სახელით არიან ცნობილი.

გრანდიოზული “FIFTY FATHOMS”-ის კოლექცია 70 წლის იუბილესთან დაკავშირებით Blancpain-სა და Swatch-ის კოლაბორაციის შედეგად შექმნა ხუთი, მექანიკური, ლიმიტირებული მოდელი მყვინთავებისთვის.

კოლექციაში გაერთიანებული მოდელების შექმნის მთავარი ინსპირაცია რა თქმა უნდა ოკეანე და მის სიღრმეებში მცხოვრები ნუდიბრანჩები გახდა. თითოეული მოდელის დასახელება პლანეტაზე არსებულ ხუთ ოკეანეს ეძღვნება, ხოლო საათებზე გამოყენებული ფერები თვით ნუდიბრანჩებს.

ერთ-ერთი საინტერესო ფაქტი კი არის ის, რომ კოლექციის ზოგიერთი მოდელის ციფერბლატზე ვხვდებით წარწერას “NO RADIATIONS”, რაც საათს კიდევ უფრო მეტად განსხვავებულ იერს სძენს. წარწერა მიგვანიშნებს, რომ საათში გამოყენებული ნივთიერებები სიღრმეების გასანათებლად რადიაქტიული არ არის. თუმცა წარწერის ყველაზე ემოციური წინაპირობა უპირობოდ მის ისტორიას ეხება. ის კი 1960-იან წლებში დაიწყო და “FIFTY FATHOMS”-ის კოლექციის მემკვიდრეობად არის ქცეული.

ARCTIC OCEAN

დედამიწაზე ყველაზე პატარა ყინულით მოჭედილი ოკეანის აღსანიშნავად შეიქმნა ARCTIC OCEAN-ის მოდელი. საათი კონტრასტულ ფერებში არის წარმოდგენილი. ესენია რბილი კრემისფერი ციფერბლატზე და კვასკვასა წითელი სამაჯური, რომელიც გაფორმებულია თეთრი ხაზებით. ცეცხლოვანი სამაჯური NATO-სგან არის შექმნილი, ის კი თავის მხრივ გადამუშავებული სათევზაო ბადეა. საათის კორპუსი ბიოკერამიკულია, ციფერბლატი კი გრადიენტული. მოდელის უკანა მხარეს ვხვდებით ულამაზეს ილუსტრაციას. ილუსტრაციაზე წარმოდგენილია ცივი არქტიკული ოკეანე და მასში მცხოვრები ნუდიბრანჩი სახელად “DENDRONOTUS FRONDOSU”. ოკეანის არსება ხასიათდება როგორც რბილი და სათუთი.

PACIFIC OCEAN

წყნარი ოკეანის მოდელი ნამდვილად არ არის გამონაკლისი და მისი შექმნა შთაგონებულია წმინდა ცისფერ წყლებში მცხოვრები ნუდიბრანჩით, სახელად “CHROMODORIS KUITERI”. ეს პატარა არსება გვხვდება ხუთ ოკეანეს შორის ყველაზე დიდსა და ღრმაში. საათის კორპუსი ამ შემთხვევაშიც ბიოკერამიკულია, ციფერბლატი კი გრადიენტული. მოდელის სამაჯური ისევ და ისევ NATO-ს მასალისგანაა შექმნილი და გამოირჩევა მკვეთრი ფერების გრადაციით. შავიდან ყვითელში, ყვითლიდან კი თეთრში. ილუსტრაციაზე წარმოდგენილია ცივი, წყნარი ოკეანე და მასში მცხოვრები ნუდიბრანჩი სახელად “CHROMODORIS KUITERI”.

ATLANTIC OCEAN

ინტენსიური ლურჯი ფერის მოდელი შეიქმნა ატლანტიკური ოკეანის მძვინვარე ტალღების საპატივცემულოდ. ბიოკერამიკული კორპუსი, გრადიენტული ციფერბლატი და სათევზაო ბადეებისგან შექმნილი NATO-ს სამაჯური კოლექციის სადა მოდელს წარმოადგენს. ის კი თავის მხრივ ატლანტიკის ოკეანეში მცხოვრები ნუდიბრანჩი “GLAUCUS ATLANTICUS”-ის ფერებშია შექმნილი. “GLAUCUS ATLANTICUS” ასევე ცნობილია როგორც ატლანტიკის “ლურჯი დრაგონი”. მოდელის უკანა მხარეს ვხვდებით ულამაზეს ილუსტრაციას.

INDIAN OCEAN

მოდელში ენერგიული, თვალშესაცემი, მწვანე ფერი დომინირებს. საათის კორპუსი ისევ ბიოკერამიკულია, ციფერბლატი გრადიენტული, ხოლო სამაჯური NATO-სი. კონტრასტული ფერები ინდურ ოკეანეში, რიფებში მცხოვრები ნუდიბრანჩი “NEMBROTHA KUBARYANA”-სგან მოდის. მოდელის უკანა მხარეს ტრადიციულად ვხვდებით ულამაზეს ილუსტრაციას. ილუსტრაციაზე კი წარმოდგენილია ინდური ოკეანე და მასში მცხოვრები ნუდიბრანჩი სახელად “NMBROTHA KUBARYANA”.

ANTARCTIC OCEAN

მსოფლიოში ერთ-ერთი ყველაზე ექსტრემალური გარემოს აღსანიშნავად შექმნილი მოდელი აღჭურვილია წყალთან კონტაქტის ინდიკატორებით. ბიოკერამიკული კორპუსი, გრადიენტული ციფერბლატი და NATO-ს სამაჯური, მკრთალ ნაცრისფერში გვხვდება. საათის უკანა მხარეს ვხვდებით ანტარქტიდის ოკეანესა და მასში მცხოვრებ ნუდიბრანჩს სახელად “TRITONIELLA BELL”, რომლის ფორმა გვაგონებს აისბერგს.

საათები ხელმისაწვდომი გახდა მომხმარებლისთვის 9 სექტემბრიდან მსოფლიოს რამდენიმე ქვეყნის Swatch-ის მაღაზიებში. თუმცა, შესაძლებელია მოგვიანებით ამ მოდელების ხელმისაწვდომობა გაიზარდოს, ამიტომ დაელოდებით სიახლეებს ჩვენთან ერთად!