არ დაიბნეთ! ეს უბრალოდ TISSOT PR516 – ბრენდი ახალი, გამორჩეული, კოლექცია!

Posted by

Arttime

On 14/08/2024

Tissot უდაოდ ერთ-ერთი გამორჩეული ბრენდია შვეიცარიული საათების ინდუსტრიაში, რომელიც მუდამ ცდილობს შექმნას ექსკლუზიური და გამორჩეული მოდელები თავისი ერთგული მომხმარებლისთვის მისაღებ ფასად. ბოლო წლების განმავლობაში ყველაზე დიდი პოპულარობით სარგებლობდა Tissot-ს PRX-ისა და SIDERAL-ის კოლექციები, თუმცა მათ მალევე შეიძინეს კონკურენტი PR516-ის სახით. კოლექციამ გამოსვლისთანავე წარმოუდგენელი პოპულარობა მოიპოვა და ამის ერთ-ერთი მიზეზი ვინტაჟური სტილის ახლიდან გაცოცხლებაა.

ყველაფერი ინოვაციური ძალიან კარგია, თუმცა ადამიანები მაინც ხშირ შემთხვევაში თავისთვის უფრო ნაცნობ პროდუქტზე აკეთებენ არჩევს. ეს ერთი მხრივ შეიძლება ძველი დროის დაბრუნებას და იმ ემოციების თავიდან განცდასთან იყოს დაკავშირებული, რომელიც ადამიანმა უკვე განვლო ან პირიქით, ძველებური ნივთი შეიძლება გვახსენებდეს ჩვენთვის საყვარელ ადამიანს – ბებია-ბაბუას, მშობლებს, რაც ვინტაჟურ სტილს კიდევ უფრო მომხივლელს და ყველასთვის საყვარელს ხდის.

PR516-ის კოლექციის ინსპირაცია Tissot-ის მიერ 60-იან წლებში შექმნილი საათია, რომელიც პირველად 1968 წელს გამოჩნდა. საათის დიამეტრი 36მმ-ია, მას აქვს შავი, ტყავის შედარებით წვრილი სამაჯური, რომელსაც ამშვენებს უხეში ვერცხლისფერი გვირგვინი. მოდელის ციფერბლატი საკმაოდ მარტივი აღსაქმელია, რაც საათის გამოყენებისას უდაოდ ერთ-ერთი მნიშვნელოვანი ფაქტორია. კლასიკური სიმუქის გასაფერადებლად Tissot-მ დაამატა პატარა, თუმცა მკაფიო ლურჯი და წითელი დეტალები, რომლებიც ერთ მთლიანობას ქმნის და ერთგვარად კრავს კიდეც მომხმარებელთა ფავორიტ ყოველდღიურ თანამგზავრს.

განახლებული PR516-ის მოდელი ორიგინალთან შედარებით უფრო დიდ ვერსიაშია შექმნილი – 41მმ-იანი ციფერბლატის დიამეტრით. საათი ამჯერად წარმოგვიდგება წარმოუდგენლად კომფორტულ მეტალის სამაჯურზე, რაც მისი ყოველდღიურად ტარების საუკეთესო პრაქტიკას იძლევა.

საათის კორპუსი საკმაოდ სქელია, თუმცა ის იდენტობა, რომელსაც ატარებდა თავდაპირველი მოდელი უდადოდ შენარჩუნებულია. მისი ციფერბლატი საფირონის კრისტალებისგან არის შექმნილი, რასაც მასზე ნაკაწრების გაჩენას მინიმუმამდე დაყავს. თვითონ ქრონოგრაფი კი ამ შემთხვევაშიც უმარტივესად აღსაქმელია და პრატიკულად ერთი-ერთშია გადმოტანილი ორიგინალი მოდელიდან. შეცვლილია მხოლოდ დეტალები, წითლისა და ლურჯის ნაცვლად გვხვდება ნარინჯისფერი და ცისფერი, რაც ერთგვარად საათს იმ უხეშ ხასიათს უსტაბილურებს, რომელიც კორპუსის სისქით უკვე ისედაც აქვს.

Tissot-ს ბრენდი ყოველთვის ზრუნავს თავის ერთგულ მომხმარებელზე და ცდილობს შექმნას მოდელები ყველა ადამიანის გემოვნების გათვალისწინებით. არც ეს კოლექცია გახდა გამონაკლისი და Tissot-მ PR516-ის არაერთი ვარიანტი შემოგვთავაზა – კლასიკური შავი ვერცხლისფერი მეტალის სამაჯურით, ლურჯი და შედარებით თვალშესაცემი, ოქროსფერი დეტალების მკაფიო გამოყენებით. თუმცა Tissot-ს მომხმარებლები მაინც ერთხმად აცხადებენ, რომ კლასიკური შავი მოდელი საუკეთესო ალტერნატივაა თუ ეძებთ ვინტაჟსა და შეუდარებელ ემოციებს.

ართთაიმის მაღაზიათა ქსელი ტრადიციულად ზრუნავს ჯერ Tissot-ს, შემდეგ კი უკვე თავისი ერთგული მომხმარებლის კმაყოფილებაზე და წარმოგიდგენთ PR516-ის კოლექციას როგორც ონლაინ, ასევე ფიზიკურ მაღაზიებში.

არ გაუშვათ შესაძლებლობა შეიგრძნოთ ნამდვილი ემოცია Tissot-ს გამორჩეულ საათებთან ერთად!