SWATCH X JEAN-MICHEL BASQUIAT – სამი საათი, სამი ისტორია, ერთი მხატვარი!
ყველასათვის საყვარელი SWATCH არ ასრულებს მომხმარებელთა გაოგნებას და წარმოგვიდგენს ახალ, ლიმიტირებულ, კოლექციას “SWATCH X JEAN-MICHEL BASQUIAT”. ის ეძღვნება მე-20 საუკუნის ერთ-ერთ გამორჩეულ და ინოვატორ გრაფიტის მხატვარს JEAN-MICHERL BASQUIAT-ს.
Swatch-მა რეალობად აქცია შედევრები და უნიკალური ნახატები ყველასათვის ხელმისაწვდომი გახადა. JEAN-MICHEL BASQUIAT-თან კოლაბორაციის შედეგად შეიქმნა სამი ერთმანეთისგან განსხვავებული დატვირთვის მქონე მოდელი.
HOLLYWOOD AFRICANS BY JEAN-MICHEL BASQUIAT
საათი, რომელიც გამოირჩევა კონტრასტული ფერების ერთმანეთთან შეხამებით. დომინანტი ყვითელი ფერი მოიცავს მთლიანი საათის ზედა მხარეს. მოდელი დატვირთულია სახეებითა და სხვადასხვა სიტყვებით. კაშკაშა ფირუზისფერი კი გვხვდება სამაჯურის უკანა მხარეს, რომელზეც ამოტვიფრულია მხატვრის სახელი და გვარი, რაც კიდევ უფრო გვაახლოებს JEAN-MICHEL BASQUIAT-თან. ნახატის ინსპირაცია მხატვრისთვის გახდა 80-იანი წლების ჰოლივუდის აფროამერიკელების სტერეოტიპები გასართობ ინდუსტრიაში. ნახატი დაიხატა JEAN-MICHEL BASQUIAT-ის ლოს ანჯელესში, კალიფორნიაში ყოფნის დროს 1983 წელს.
UNTITLED BY JEAN-MICHEL BASQUIAT
საათის ციფერბლატზე მკაფიოდ გამოკვეთილი გვირგვინი არის სიმბოლო, რომელსაც მხატვარი ხშირად იყენებდა თავის ნამუშევრებში. მოპოვებული ინფორმაციის თანახმად გვირგვინის სიმბოლო ასოცირდებოდა JEAN-MICHEL BASQUIAT-ის ამბიციებსა და წარმატებისკენ სწრაფვასთან. “გვირგვინი – თქვენი სურვილისა და დიდი მიზნების მიღწევის დროული და თამამი შეხსენება”. ციფერბლატი ჩასმულია შავ ჩარჩოში, რომელიც მკვეთრად გადადის სამაჯურზე, რომელზეც დატანილია წარწერები. სამაჯურის უკანა მხარეს კი ისევ და ისევ მხატვრის სახელსა და გვარს ვხვდებით მოდელიც უნიკალურობის ხაზგასმისთვის.
ISHTAR BY JEAN-MICHEL BASQUIAT
უკანასკნელ მოდელზე ვხვდებით ისტორიულ საკითხებს. საათი წარმოადგენს ზუსტ ანალოგს ორიგინალი ნამუშევრისა. ციფერბლატის ფერი შავია, თუმცა არსებული მკაფიოდ ეხამება გარდამავალ ფერებს, რომელშიც დომინანტი ფირუზისფერია. მხატვრის ინსპირაცია გახდა “ISHTAR”- მესოპოტამიის ქალღმერთი. ცენტრალურ ადგილს ციფერბლატზე იკავებს რომაული ციფრების კომბინაცია, რომელიც კიდევ ერთხელ უსვამს ხაზს მხატვრის გენიალურობას. ნამუშევარი შეიქმნა 1983 წელს. სამაჯურის უკანა მხარეს კი ტრადიციულად JEAN-MICHEL BASQUIAT-ის სახელსა და გვარს ვკითხულობთ.
SWATCH-ის მიერ წარმოდგენილი კოლექცია მოიცავს სამ საათს, სამივე მოდელი გამოირჩევა ინდივიდუალური ისტორიითა და JEAN-MICHEL BASQUIAT-ის გენიალურობით. მოდელებზე წარმოდგენილი დეტალები გამოყენებულია მხოლოდ ამ საათების სერიაში. ნაკრები ხელმისაწვდომია შეზღუდული რაოდენობით და გვხვდება უნიკალურ შეფუთვაში, რომელიც ასევე შთაგონებულია მხატვრის ნამუშევრებით.
სამი საათი – სამი ისტორია და ერთი მხატვარი. უდაოა, რომ SWATCH-ის ახალი კოლექცია ნამდვილი ხელოვნების ნიმუშია და ნებისმიერი ხელოვნების მოყვარულის გულს დაიპყრობს!
