გამორჩეული შვეიცარიული ბრენდი SWATCH-ისადმი მიძღვნილი კამპანიის ფარგლებში კომპანია “ართთაიმმა” ითანამშრომლა ერთ-ერთ ცნობილ, ახალგაზრდა, მხატვართან ლევან სონღულაშვილთან. ლევანი გამორჩეული ფერმწერი, არტისტი და გრაფიკოსია, რომლისთვისაც ხატვა ბავშვობიდანვე საყვარელი სფერო იყო. ის კი საბოლოოდ წარმატების მთავარი განმაპირობებელი.
თანამშრომლობის ფარგლებში ლევანმა მოირგო SWATCH-ის ბოლო წლების ყველაზე განსაკუთრებული მოდელები. გამორჩეულ მოდელებსა და კოლექციებზე საუბრის დროს პირველი რა თქმა უნდა ყველაზე გრანდიოზული OMEGA x SWATCH-ის კოლაბორაციით შექმნილი საათები გვახსენდება.
თითოეული საათი გამოირჩევა უნიკალური მასალითა და დიზაინით, რაც მფლობელს ნამდვილ ბედნიერებას ანიჭებს.
ლევანმა მოირგო ერთ-ერთი ყველაზე მოთხოვნადი MISSION TO THE MOON. მოდელი წარმოდგენილია მუქ ფერებში. სახელწოდებიდან გამომდინარე კი ეძღვნება მისიას მთვარეზე, სწორედ ამიტომ, საათის უკანა მხარეს, ხუფზე, ვხვდებით მთვარეს, რაც საათს კიდევ უფრო უნიკალურს ხდის.
საათის სამაჯური შექმნილია უნიკალური SWATCH-ის მიერ დაპატენტებული მასალისგან – BIOCERAMIC. მის შემადგენლობაში შედის ორი მესამედი კერამიკა და ერთი მესამედი ბიოპლასტიკი, რომელიც მიიღება აბუსალათინის ზეთისგან.
მეორე კოლექცია, რომელიც ლევან სონღულაშვილის ყურადღება მიიპყრო SWATCH POMPODOU-ს კოლექციაა. ცენტრი პომპიდუ 1977 წლიდან წარმოგვიდგენს უზარმაზარ კოლექციას ხელოვნების სხვადასხვა მიმდევრობაში. მუზეუმის ლეგენდარული შენობა კი იტევს თანამედროვე ხელოვნების ნიმუშების უდიდეს კოლექციას ევროპაში და მსოფლიოს დონეზეც საპატიო ადგილი უკავია. მუზეუმთან კოლაბორაციის ფარგლებში ბრენდმა 6 ხელოვნების ნიმუში ფერად მაჯის საათებად გადააქცია. მისი მთავარი განმაპირობებელი იყო ის, რომ ხელოვნება მეტად ხელმისაწვდომი გაეხადა თითოეული ადამიანისთვის.
ლევან სონღულაშვილმა მოირგო RED, BLUE AND WHITE BY PIET MORDIAN, რომელიც პრაქტიკულად ზუსტი ანალოგია გენიალური შედევრისა.
საათი შექმნილია გეომეტრიული აბსტრაქციის მთავარი მოთამაშის პატივსაცემად, ვისი გავლენაც იგრძნობა როგორც მოდის, არქიტექტურის, ასევე დიზაინის სამყაროში. SWATCH-მა უცვლელად გადმოიტანა ორიგინალი ნამუშევრის ფერები და შეუხამა ის შავ ციფერბლატსა და მასიურ წითელ და თეთრ ისრებს.
SWATCH არის ნამდვილად მსოფლიოში ერთ-ერთი ყველაზე გამორჩეული ბრენდი, რომელსაც შეუძლია ნებისმიერი რამ აქციოს მაჯის საათად. ეს შესაძლებლობა კი ყოველდღიურად ახალ-ახალ ერთგულ მომხმარებლებს სძენს ბრენდს. სწორედ ამიტომ, არ არსებობს ადამიანი, რომელსაც არ უყვარს SWATCH და არ აქვს ბრენდის ერთი მოდელი მაინც, რომელიც თავის უნიკალურ და ინდივიდუალურ ისტორიას ატარებს!
