თიკა დუღაშვილი

“ავთენტურობა, უბრალოება და კეთილგანწყობა – ესაა რასაც ტურისტები საქართველოში ეძებენ”.

მრავალმხრივი ინტერესების მაქვს, მიყვარს სიახლეები და საკუთარი თავის სხვადასხვა ამპლუაში გამოცდა.  პროფესიით ჟურნალისტი და მუსიკისმცოდნე, წლების განმავლობაში ვმუშაობდი ტელევიზიაში. განხორციელებული მაქვს არაერთი პროექტი როგორც საქართველოში, ისე – საზღვარგარეთ.

ჩემთვის დრო მნიშვნელოვანია. სწორედ ამიტომ, გადაწყვეტილება სწრაფად მივიღე და უმოკლეს დროში მოვახერხე ოჯახთან ერთად ღვინის ეზო N10-ის, ოჯახური ტიპის ტურისტული მიმართულების შექმნა. კახეთში დაფუძნებული ტურისტული ობიექტი ძალიან მალე გახდა პოპულარული, დღეისთვის მსოფლიოს სხვადასხვა ქვეყნიდან უამრავ სტუმარს ვმასპინძლობთ.

დიდი სურვილი მქონდა ტურისტებისთვის დამეხვედრებინა შინაური, ქართული, სახლური გარემო, რაც იშვიათია ტურიზმის სფეროში. სწორედ ამ პრინციპით ვმართავ ბიზნესს.

ჩვენი ქვეყნის სამზარეულოს მდიდარი ისტორია აქვს. კერძებს ძველი ქართული რეცეპტების მიხედვით ვამზადებთ, ხოლო პროდუქტებს კახეთში, ადგილობრივი მოსახლეობისგან ვიძენთ, რაც კერძების გემოვნურ თვისებებს გამორჩეულს ხდის.

ტურისტული ბიზნესის მართვა დიდი პასუხისმგებლობაა, რადგან შენზეა დამოკიდებული, როგორი შთაბეჭდილება დარჩებათ სტუმრებს ქვეყანაზე და რას გაუზიარებენ ისინი შემდეგ საკუთარ ნაცნობებს.

—

“ღვინის ეზო N1” 2018 წელს წლის ოჯახურ ბიზნესად დასახელდა. 2019 წელს კი სოფლის ტურიზმის ნომინაციაში გაიმარჯვა. თავად თიკა დუღაშვილი რეგიონის განვითარებაში შეტანილი წვლილისთვის დაჯილდოვდა. ყველაფერთან ერთად, თიკა წლის ქალ მეწარმედ (ტურიზმის ინდუსტრიაში) და წლის ქალ ანტრეპრენერად დასახელდა.

თიკა დუღაშვილის სტრატეგიული ხედვა და შესაძლებლობების აღმოჩენის უნარი ის თვისებებია, რომელთა გამოც ის “ართთაიმის” მეგობრების წრეში მოვიწვიეთ.