ანი ბებია
“თუ შედეგმა მაყურებელი დააფიქრა, აატირა ან გააცინა, ესე იგი მხოლოდ საკუთარი თავისთვის არ შრომობ და თითქოს უფრო მეტს ემსახურები, ვიდრე ეგოა”.
პროფესიით მსახიობი ვარ. ცოტა ხმამაღალი ნათქვამია, მაგრამ დიდი სიყვარული საკუთარი საქმის მიმართ და ხალხის სიყვარული ჩემ მიმართ გამბედაობას მაძლევს ვთქვა – დიახ, მსახიობი ვარ.
ხანდახან ჩემი პროფესია ძალიან ეგოისტური მგონია, რადგან მუშაობის პროცესით უდიდეს სიამოვნებას ვიღებ. თუმცა თუ შედეგმა მაყურებელი დააფიქრა, აატირა ან გააცინა, ესე იგი მხოლოდ საკუთარი თავისთვის არ შრომობ და თითქოს უფრო მეტს ემსახურები, ვიდრე ეგოა.
ახლა ორსულობის გამო მოკლებული ვარ ამ სიამოვნებას, თუმცა ახალი გამოწვევა გამიჩნდა – ტელევიზია. პირდაპირ ეთერში სულ 20 წუთით ჯდომაც ნამდვილი სიგიჟეა. ჯერ ჟურნალისტურ ანა-ბანას ვსწავლობ და იმედია მალე თამამად ვიტყვი, რომ ეს საქმეც ჩემია.
რაც ყველაზე მთავარი და მნიშვნელოვანია, მინდა კარგი დედა გავხდე. ჯერ არ დაბადებულა და უკვე უზარმაზარი ძალა მაჩუქა ამ პატარამ – მინდა ეს ენერგია მას მოვახმარო. ილოს უზარმაზარი მადლობა მინდა ვუთხრა, რომ ეს არსება მაჩუქა.
—
ანი ბებია ახალი თაობის ქართველი მსახიობების გამორჩეული წარმომადგენელია. საკუთარი საქმის სიყვარული და პროფესიონალური მიდგომა ის თვისებებია, რომლის გამოც მისი ართთაიმის მეგობრების წრეში მოწვევა გადავწყვიტეთ.
