სტატიაში თავმოყრილია ართთაიმის ქსელში ყველაზე ხშირად დასმული კითხვები. დამატებითი ინფორმაციისთვის აუცილებლად დაგვიკავშირდით:
ცხელ ხაზზე +995 577 699 754, Arttime-ის Facebook-ზე, Swatch-ის Facebook-ზე, Arttime-ის Instagram-ზე.
როგორ ვიყიდო საათი ონლაინ?
- სასურველი პროდუქციის ონლაინ შესაძენად დაამატეთ სასურველი ნივთი კალათაში;
- დააჭირეთ ღილაკს “შეძენა”;
- შეავსეთ საკონტაქტო ინფორმაციის აუცილებელი ველები. (სასურველია ანგარიშის შექმნაც);
- არჩიეთ მიწოდების სასურველი ვარიანტი: ადგილზე მიტანა, ან მაღაზიიდან გატანა;
- შეარჩიეთ სასურველი გადახდის მეთოდი;
- გაეცანით და დაეთანხმეთ საიტის წესებსა და პირობებს;
- დააჭირეთ გადახდას;
- რომელიმე ბანკის ბარათით გადახდის არჩევის შემთხვევაში, საიტი გადაგიყვანთ საქართველოს ბანკისა ან თიბისი ბანკის შესაბამის გვერდზე ბარათის მონაცემების შესაყვანად.
- განვადების არჩევის შემთხვევაში შეავსეთ შესაბამისი ბანკის (საქართველოს ბანკი, თიბისი, სფეის ბანკი) განვადების განაცხადს.
ონლაინ შეძენილ საათზეც ვრცელდება გარანტია?
ართთაიმის ქსელში შეძენილ ყველა საათს მოყვება გარანტია. რა თქმა უნდა, ონლაინ შეძენის შემთხვევაშიც ივსება საგარანტიო ფურცელი. საათის მიღებისას შეგიძლიათ შეამოწმოთ საათის ყუთში. საგარანტიო პირობები იწყება ნივთის ფილიალიდან გატანის თარიღიდან.
საიტზე განთავსებული საათები სრულად რომელ ფილიალშია წარმოდგენილი?
საიტზე წარმოდგენილ თითოეულ საათს აღწერაში უწერია ინფორმაცია ფილიალებში ხელმისაწვდომობის შესახებ. ყველა მოდელი არც ერთ ფილიალში არ არის წარმოდგენილი.
როგორ ხდება განვადებით შეძენა?
ჩვენ ქსელში განვადებით სარგებლობა შეგიძლიათ, როგორც ონლაინ ასევე ფილიალებში.
გვაქვს საქართველოს ბანკის (3 თვიანი უპროცენტო), თიბისი ბანკის (6 თვიანი უპროცენტო) და სფეის ბანკის (3 თვიანი უპცენტო) განვადება.
განვადება კეთდება ნებისმიერ ნივთზე, რომლის ღირებულება აღემატება 100 ლარს.
ონლაინ შეძენის შემთხვევაში შეარჩიეთ სასურველი ბანკი და შეავსეთ შესაბამისი განაცხადი. განვადების დამტკიცების შემთხვევაში ჩვენი წარმომადგენელი აუცილებლად დაგიკავშირდებათ.
ფილიალში განვადების გასაფორმებლად, ადგილზე გამოგიწერენ ინვოისს შესაბამის პროდუქციაზე, რომელიც უნდა მიიტანოთ ბანკში დასამტკიცებლად. დამტკიცების შემდეგ, მიმართვის ფურცლის წარდგენის საფუძველზე შეძლებთ ფილიალიდან ნივთის გატანას.
საათის ონლაინ შეძენის შემთხვევაში როდის მომიტანს კურიერი მისამართზე?
თბილისში ამანათის ჩაბარება ხდება შეძენიდან 1-3 სამუშაო დღეში.
რეგიონში ამანათის ჩაბარება ხდება 1-5 სამუშაო დღეში.
ვადები განსაზღვრულია შეკვეთის სამუშაო დღეებში 4 საათამდე გაფორმების შემთხვევაში.
შაბათ-კვირას ან სხვა სახელმწიფო დასვენების დღეებში გაფორმებული შეკვეთების ტრანსპორტირება დაიწყება ორშაბათს ან მომდევნო სამუშაო დღეს.
როგორ ვისარგებლო კლუბის წევრის ფასდაკლებით ონლაინ?
შეკვეთის გაფორმებისას, პირადი მონაცემების შეყვანის გვერდზე შეგხვდებათ წარწერა: “გაქვთ ფასდაკლების ბარათი? გამოსაყენებლად დააჭირეთ აქ”. დააჭირეთ შესაბამის წარწერას, ჩაწერეთ თქვენი ართთაიმ კლუბის წევრის ბარათის ნომერი და ნივთის ღირებულებას დააკლდება შესაბამისი პროცენტი. ართთაიმ კლუბის ბარათის პირობების ნახვა შეგიძლიათ ნახოთ ამ ბმულზე.
კლუბის წევრის ფასდაკლებით, რომ ვისარგებლო აუცილებელია ბარათის თან ქონა?
ფილიალში კლუბის წევრის ფასდაკლებით, რომ ისარგებლოთ აუცილებელი არ არის ბარათის წარდგენა. ფასდაკლებით სარგებლობას შეძლებთ ბარათის სურათის წარდგენისას ან უბრალოდ ბარათის ნომრით (იდენტიფიკაციისთვის შესაძლოა კონსულტანტმა მოითხოვოს სხვა პირადი მონაცემები, რომელიც ჩანიშნულია ბაზაში).
იმ შემთხვევაში, თუ დაკარგეთ ბარათი, ან არ გაქვთ თან წამოღებული, მოგვწერეთ Facebook-ზე ან ონლაინ მაღაზიის ჩატში, მოგწერთ ბარათის ნომერს და ფილიალში მარტივად შეძლებთ ფასდაკლებით სარგებლობას.
ფასდაკლებული მოდელის შეძენისას ვრცელდება თუ არა დამატებითი ფასდაკლება კლუბის წევრის ბარათის წარდგენისას?
უკვე ფასდაკლებული მოდელის, ან აქციის დროს პროდუქციის შეძენისას კლუბის წევრის ბარათის წარდგენისას დამატებითი ფასდაკლება არ კეთდება. მაგრამ, გერიცხებათ გადახდილი თანხის შესაბამისი ქულები.
სად მდებარეობს ართთაიმის სერვის ცენტრი?
ართთაიმის სერვის ცენტრი მდებარეობს გმირთა მოედანზე, კოსტავას 63. სერვის ცენტრი მუშაობს ყოველ დღე, კვირის გარდა 11:00 – 18:00. სერვის ცენტრის საკონტაქტო ნომერია: +995 599 272 799.
სად შემიძლია შევუცვალო საათს ელემენტი და რა ღირს?
ელემენტის შეცვლა შეგიძლიათ ართთაიმის სერვის ცენტრში (კოსტავას 63). სვოჩის საათზე ელემენტის შეცვლა ღირს 5 ლარი, ნებისმიერ სხვა ბრენდზე – 20 ლარი.
რამდენი ხანი ძლებს ელემენტი?
ჩვენთან შეძენილ ყველა კვარცის მექანიზმის მქონე საათში დევს Renata-ს ელემენტი. Renata Swatch Group-ის გაერთიანების წევრი კომპანიაა, რომელიც მსოფლიოს საათების უდიდეს მწარმოებლებს ამარაგებს ელემენტებით. როგორც წესი, ელემენტის მუშაობის ვადა მერყეობს 2-5 წლამდე. მუშაობის ხანგრძლივობა დამოკიდებულია საათის ტიპზე და იმ ენერგიის რაოდენობაზე, რაც აუცილებელია მისი სხვადასხვა ფუნქციების შესასრულებლად. გასათვალისწინებელია, რომ საათებს ელემენტი ედება ქარხანაშივე.
შესაძლებელია თუ არა საათისთვის სასურველი სამაჯურის ან რაიმე დეტალის შეკვეთა?
დიახ, შესაძლებელია. ამისათვის უნდა მიბრძანდეთ ართთაიმის სერვის ცენტრში, გმირთა მოედნის ფილიალში (კოსტავას 63) და გააფორმოთ შეკვეთა. შეკვეთის გაფორმება ასევე შესაძლებელია ბათუმის ფილიალში (ქ.ბათუმი, კ.გამსახურდიას 24). თანხის გადახდა ხდება წინასწარ, შეკვეთის გაფორმებისას. სასურველი ნაწილი/სამაჯური ჩამოდის შეკვეთიდან 1- 6 თვის მანძილზე.
რა შედის საგარანტიო პირობებში?
ართთაიმის ქსელში შეძენილ საათებს მოყვება ორწლიანი საერთაშორისო გარანტია მექანიზმზე და ერთწლიანი გარანტია ელემენტზე. გარანტია მოქმედებს ქარხნული წუნის აღმოჩენის შემთხვევაში და მექანიზმის დაზიანებისას.
საგარანტიო პირობებით, რომ ისარგებლოთ აუცილებლად უნდა წარადგინოთ გარანტიის ტალონი.
გარანტია არ ვრცელდება გარე დაზიანებებზე. უფრო დეტალური ინფორმაციისთვის ეწვიეთ ბმულს.
საგარანტიო ფურცელი, რომ დავკარგო, მაინც შევძლებ საგარანტიო პირობებით სარგებლობას?
საგარანტიო პირობებით სარგებლობისთვის აუცილებელია საგარანტიო ტალონის წარდგენა.
სასაჩუქრე ბარათით/პლუს ქულების ვაუჩერით/ ამექს ქულების ვაუჩერით პროდუქციის შეძენისას თანხის დამატება შემიძლია?
დიახ, თანხის დამატება შეიძლება. შეიძლება ასევე ერთ ნივთზე რამოდენიმე ერთი ტიპის ვაუჩერის გამოყენება (ეს დაშვება არ ეხება ფასდაკლების კუპონებს). ერთი ნივთის შეძენისას არ შეიძლება სხვადასხვა ტიპის ვაუჩერების გამოყენება.
რომელ საათამდე მუშაობს ართთაიმის ფილიალი?
ართთაიმის ფილიალების გრაფიკის და ზუსტი მისამართების სანახავად გადადით ბმულზე.
საათის პოლირება შეიძლება?
დიახ, უმეტეს შემთხვევაში საათის მინისა და მეტალის სამაჯურის პოლირება შესაძლებელია. მაგრამ, არის შემთხვევები, როდესაც საათი არ ექვემდებარება პოლირებას (მაგალითად, არ პოლირდება ოქროსფერი მეტალი). საათის პოლირება ხდება ართთაიმის სერვის ცენტრში (კოსტავას 63). პოლირების ფასი იწყება 20 ლარიდან. საათის პოლირებასთან დაკავშირებით უფრო დეტალური და ამომწურავი პასუხის მისაღებად გვეწვიეთ სერვის ცენტრში.
რა განსხვავებაა ავტომატურ და მექანიკურ საათებს შორის?
მექანიკური მექანიზმის მქონე საათები საჭიროებენ ხელით დაქოქვას. ავტომატური მექანიზმის მქონე საათები იქოქება ხელის მოძრაობით. თუმცა, თუ საათი არის უმოძრაოდ გარკვეული პერიოდი ავტომატური მექანიზმის შემთხვევაშიც აუცილებელია ხელით ბოლომდე დაიქოქოს.
რამდენი დღის მანძილზე შემიძლია შეძენილი პროდუქციის გაცვლა ან დაბრუნება?
პროდუქციის გაცვლა ან დაბრუნება შესაძლებელია შეძენიდან 2 კვირის მანძილზე ჩეკის საფუძველზე. მაგრამ, გაცვლა/დაბრუნება არ ხდება იმ შემთხვევებში თუ პროდუქცია არის სახეშეცვლილი (მაგალითად, დაპატარევებულია სამაჯური) ან თუ პროდუქცია დაზიანებულია. ასევე გაცვლა/დაბრუნებას არ ექვემდებარება აქციის დროს შეძენილი პროდუქცია ან თუ შეიძენთ ფასდაკლებულ ნივთს. ონლაინ შეძენილი პროდუქციის გაცვლა ან დაბრუნება არ ხდება.
შეიძლება თუ არა საათი მეკეთოს აუზში/ზღვაში?
საათი წყალგაუმტარია თავისთავად არ ნიშნავს იმას, რომ შეიძლება მაჯაზე მორგებული საათით ცურვა. ასევე საყურადღებოა, რომ მარილიანმა ან ქლორიანმა წყალმა შეიძლება ცუდი ზეგავლენა იქონიოს PVD დაფარვის მქონე საათებზე. ამიტომ შესაბამისი წყალგაუმტარობის მაჩვენებლის მქონე საათებით აუზში ან ზღვაში ცურვის შემდეგ აუცილებლად გამდინარე წყალი გადაავლოთ საათს. ასევე ძალიან მნიშვნელოვანია წყალთან ზემოქმედებამდე საათის საქოქი იყოს ჩაწეული. თუმცა, ზოგადად წყალგაუმტარობა იზომება ბარებში და თითოეულ ნიშნულს თავისი ახსნა აქვს:
3 BAR – შეიძლება ხელების დაბანა, წვიმაში მოხვედრა;
5 BAR – შხაპის მიღება, ხანმოკლე დასველება გამდინარე წყალში;
10 BAR – ცურვა;
20 BAR – ცურვა, სხვადასხვა წყლის სპორტი, სამოყვარულო დაივინგი;
30-50 BAR – სკუბა დაივინგი;
100 BAR – პროფესიონალური დაივინგი.
რა მასალაა გამოყენებული Swatch-ის სათვალეში?
Swatch The Eyes სათვალეში გამოყენებულია საფილოს შუშა.
რატომ არ ვრცელდება გარანტია დანებსა და ბიჟუტერიაზე?
საათებში საერთაშორისო გარანტია ვრცელდება მექანიზმის დაზიანებაზე. გარე დაზიანებებზე გარანტია არ ვრცელდება. რადგან, დანებსა და ბიჟუტერიას შეიძლება ჰქონდეს მხოლოდ გარე დაზიანება, რომელიც დამოკიდებულია ინდივიდუალურ ხმარებაზე მათზე გარანტია ვერ გავრცელდება.
რატომ არ იხსნება პლასტიკის კორპუსის მქონდე სვოჩის საათები?
სვოჩის საათები, რომლებსაც აქვს პლასტიკის კორპუსი არ იხსნება. ეს განპირობებულია მათი აწყობის ტექნოლოგიით. მოგეხსენებათ, სვოჩის საათების აწყობის მექანიზმი ავტომატიზებულია და პლასტიკის კორპუსი ერთ მთლიან ნაწილად არის შექმნილი.